Рижото со хопла и пармезан, нема поубаво и повкусно јадење, а се комбинира со секое месо

Рижотото е од најчестите начини на готвење ориз во Италија, редовно мешајќи додека не достигне кремаста конзистентност. Најубавата комбинација е со хопла и пармезан, може но и не мора да ставите пилешко месо, а по желба ставете и печурки.

Рижотото може да биде вегетаријанско, со морска храна или месо (обично пилешко) и најчесто се прави со путер, кромид, бело вино и пармезан. Оваа комбинација е една од највкусните јадења.

Воопшто не е тешко да се направи, само што треба постојано да го мешате при готвење. Исклучително е тоа што се прави за 25 минути. Обожавам да го правам за ручек или вечера и многу е поздраво отколку пржен помфрит. Малку салата, малку месо и на трпезата има ручек за мерак.

Потребни состојки: 3 супени лажици маслиново масло или путер, 3 чешниња лук, половина кромид, половина шолја бело вино (за кафе), 1 мала лажица гриз, вода по потреба (најчесто соодносот е 5:2), сол, црн пипер, магдонос, 1,5 чаша хопла, 1 чаша пармезан.

Постапка: Во поголемо тавче додајте го маслиновото масло и во него додајте го ситно сечканиот лук со ситно сечканиот кромид. Лукот и кромидот треба да се пржат на тивко бидејќи можат лесно да загорат.

Постојано мешајќи кога ќе се пропржат лукот и кромидот додајте една лажичка гриз и повторно промешајте. Додајте го оризот и оставете да се пржи 4 – 5 минути на истата температура со мешање на секои 30 секунди.

По изминатото време, додајте половина шолја бело вино и оставете да се апсорбира во оризот. Потоа постепено се додава водата, чаша по чаша. Додавајте нова чаша кога ќе се впие водата од претходната.

Соодносот најчесто е 5:2, но пробувајте го одвреме – навреме оризот дали е омекнат. Посолете со сол и зачинете со црн пипер, а откога оризот ќе се свари додајте ја хоплата за да се добие кремаста структура и на крај се додава пармезанот со постојано мешање.

Одозгора се наросува уште малку пармезан и магдонос, свеж или сув по желба. Се посолува по потреба, а наместо маслиново масло може да се стави и путер. По желба додајте пилешко месо или печурки, а доколку готвите со пилешко месо, варете го оризот со водата во која се готвело месото.

II РЕЦЕПТ: Пилешко рижото со пченка: Лесно јадење со кое не можете да згрешите. Кога го приготвувате рижото, не мора стриктно да се држите според рецептот, туку слободно можете да комбинирате, да додавате или одземате состојки кои вие си ги сакате.

Јадењето е многу лесно, а може да се приготви од зеленчук кој што го имате во моментот, пилешко и ориз. Овојпат е приготвен со пченка шеќерец од конзерва 300 г. Пилешкото месо може да биде бело месо, батаци со карабатак, а оние кои сакаат крилца, може да ги наредат одозгоре во тепсијата, преку риото и убаво да ги запечат во рерна.

Потребни состојки: 600 г пилешко бело месо без кожа и кос.ки, 2 средни главици кромид или 1 голема, 1 лажица сув зачин, 100 мл масло, 2-3 моркови, 1 шолја грашок (или 2 шолји мешавина за руска салата), 1,5 шолја ориз, 1 конзерва пченка од 300 г, сол и црн пипер по вкус.

Постапка: Исечкајте го пилешкото на коцкички, па загрејте го маслото и пилешкото пропржете го додека да добие златно жолта боја до светло кафеава. Извадете го месото, а во истата маснотија пропржете го ситно сечканиот кромид додека да застакли и карамелизира.

Во пржениот кромид додајте го зеленчукот и прелијте малку вода, колку да се покрие, па оставете да се динста 15 минути, со повремено додавање топла вода. После 15-20 минути додајте го оризот, па налејте вода колку да се покрие.

Гответе на умерен оган и полека мешајте и долевајте по малку вода додека оризот да биде сварен. На крај додајте го пропрженото бело месо и пченката. Посолете и запиперете по вкус, па промешајте. Треба да остане сочно. Послужете топло. / Текстот за НМД.мк го напиша Мартина Христовска

Loading...
Претходна статијаМАКЕДОНСКА САЛАТА: Со печен модар патлиџан во рерна, лук и магдонос
Следна статијаДетокс напиток кој ги исфрла сите тoксини за 3 дена, толку е добар што ќе се чувствувате полни со енергија