Најубавиот куглоф со ореви и пудинг од ванила

Најмекиот и најмирисниот куглоф, со сечкани ореви и пудинг од ванила. Ќе уживате во секој залак.

Потребни состојки:

Се мери со шолја од 200 мл.

4 јајца
1 шолја шеќер
1 ванилин шеќер
1 шолја масло
½ шолја јогурт
½ шолја млеко
2 шолји брашно
1 пудинг од ванила (не треба да се вари)
1 прашок за печиво
1 шолја сецкани или мелени ореви

За калап:

Loading...

30 г маргарин/путер или 2 лажици масло
малку брашно

Постапка:

Намачкајте го калапот со маргарин или масло и наростете го со брашно. Вишокот истресете го. Вклучете ја рерната на 180 степени да се загрее.

Изматете ги јајцата (без одвојување на белките), додадете шеќер и ванилин шеќер па продолжете со матење.

Додадете ги сите останати состојки, прво течните па сувите (прашокот од пудингот измешајте го до останатите суви состојки) и полека со лажица промешајте.

Добиената смеса излејте ја во куглоф и печете околу 40-60 минути.

Оставете малку да излади, извадете од калап и наросете со шеќер во прав.

Loading...