Понекогаш хијаталната хернија може да има изразени симптоми, додека во повеќето случаи нема да предизвика никакви проблеми и поминува незабележано од пациентот. Што претставува „кила на желудникот“?

Хијаталната хернија е испакнување на дел од желудникот низ дијафрагмата. Всушност, доаѓа до негово поместување, односно изместување од неговата правилна положба. Малата хијатална хернија не мора да има изразени симптоми, а лицето најверојатно нема ни да знае дека ја има додека лекарот да ја дијагностицира преку преглед.

Од друга страна, кога хијаталната хернија е голема, може да доведе до чести ждригавици и уртикарија, а се лекува со лекови или операција.

Симптоми на хијатална хернија. Најчестите симптоми на хијатална хернија се слични на ГЕРБ, а тоа се: чести ждригавици, подигање на киселина од желудникот, проблеми со голтање, болка во градите или стомакот, отежнато дишење, повраќање кpв, темна столица, надуеност.

Сепак, повеќето луѓе нема да имаат интензивни симптоми и нема да знаат дека станува збор за хијатална хернија. Што ја предизвикува хијаталната хернија? Кај оваа состојба, горниот дел од желудникот излегува во отворот на дијафрагмата.

Дијафрагмата е тенка мускулна структура која ја одвојува градната празнина од абдоменот, а хранопроводникот и желудникот се спојуваат на нејзиниот отвор. Кај луѓето кои немаат хернија, желудникот се наоѓа под дијафрагмата, додека кај луѓето кои имаат хијатална хернија, желудникот ја притиска дијафрагмата и се испакнува.

Кога ќе дојде до зголемување на притисокот во абдоминалната празнина, се јавува хијатална хернија. Точната причина за хијатална хернија е непозната.

Во некои случаи, хернијата е предизвикана од промени во дијафрагмата кои се јавуваат со возраста, повреда во пределот на дијафрагмата или некоја хируршка процедура, постојан притисок врз околните мускули предизвикани од кашлање, повраќање, напрегање при дефекација или кревање тешки предмети.

Исто така, хијаталната хернија е почеста кај луѓе над 50 години, како и кај дебели луѓе и пушачи. Кои видови хијатални хернии има? Постојат два вида на хијатална хернија, подвижна (мобилна) и параезофагеална хернија.

1. Мобилна хијатална хернија. Кај овој вид, спојот на хранопроводникот и желудникот и дел од желудникот се наоѓаат над дијафрагмата. Исто така, ова е мала хернија која најчесто се јавува кај луѓето. Симптомите не мора да бидат присутни и не бараат посебен третман.

2. Параезофагеална хернија. Ова не е толку вообичаен тип на хернија и може да предизвика болка, гушење и големи здравствени проблеми кои бараат итна операција. Со оваа хернија, спојот е на вистинското место, но делот од желудникот над дијафрагмата е веднаш до хранопроводникот.

Како се дијагностицира хијаталната хернија? Покрај самата анамнеза што ќе ја земе лекарот и палпација на абдоменот, хијатална хернија се дијагностицира со различни прегледи како: ендоскопија, рендген со голтање бариумска кашеста маса или може да се открие на рендген на градниот кош.

Како се третира хијаталната хернија? Во повеќето ситуации, оваа состојба не предизвикува проблеми, а кога ќе се појават симптоми, третманот се одвива со ублажување на симптомите и менување на навиките во исхраната.

Слично на тоа, луѓето кои се дебели ќе треба да изгубат вишок килограми и да јадат повеќе мали оброци на ден. Избегнувањето на масна, пржена и зачинета храна, кафе или алкохол, газирани пијалаци и одредени сосови ќе им помогне на некои. Откажувањето од пушењето исто така, може да им помогне.

Во случаи кога промената на исхраната не помага, ќе помогнат лековите препишани од лекар. Кога хијаталната хернија е голема, ќе биде потребна операција.

Заклучок. Хијаталната хернија е состојба во која желудникот излегува низ отворот на дијафрагмата. Понекогаш хијаталната хернија ќе има изразени симптоми, додека во повеќето случаи нема да предизвика никакви проблеми кај лицето.

Доколку е потребно, се лекува со промена на навиките во исхраната, одредени лекови и ретко хируршка интервенција. Прочитајте: Од секирација, настинка и дигање терет се добива КИЛА НА ЖЕЛУДНИК: Како да го спуштите со вежби – ОВДЕ. Желудникот не ви е на место… Еве како со неколку потези да го вратите во неговата нормална положба, прочитајте ОВДЕ. Диета од нутриционист специјално направена за чир на желудник, хијатална хернија и гастритис, прочитајте ОВДЕ. Народен лек за дијафрагмална хернија – ОВДЕ.