Економична салата од грав: свежина и вкус во секој залак
Оваа салата е вистински пример за како со малку состојки и минимален напор може да се подготви оброк полн со вкус и хранливи материи.
Таа е идеална за брз ручек, прилог или лесна вечера, бидејќи користите грав од конзерва, а можете да користите и претходно сварен грав и количина по ваша желба.
Салатата може да се комбинира со варен ориз, печени компири, свеж леб или печено месо, а често се нарекува и „руска салата со грав“.
Изобилува со растителни протеини, влакна, витамин Ц, бета-каротен и железо, пишува НМД. Еве што ви е потребно:
Потребни состојки
– 1 конзерва грав
– 1 главица кромид
– 1 морков
– 3-4 лажици растително масло
– сол по вкус
– црн пипер по вкус
– 3 кисели краставички (120 г)
– неколку гранчиња билки (копар, магдонос)
– НМД
Постапка
Исцедете го гравот од конзервата и исплакнете го темелно под ладна вода. Кромидот ситно исечкајте го, а морковот изрендајте го на ситно ренде.
Во тава загрејте го растителното масло на средна температура, па додајте ги кромидот и морковот. Пржете додека морковот омекне целосно.
Посолете по вкус и оставете смесата да се излади на собна температура.
Во сад ставете го подготвениот грав, изладената смеса од кромид и морков, ситно исечканите кисели краставички и ситно исечканите билки.
Запиперете по вкус и нежно измешајте сè. Послужете ја салатата ладна. Постапката погледнете ја во видео прилогот ОВДЕ:
