Џем и сок од зрели бобинки од бозел, лековит но и вкусен

Бобинките од бозел се многу лековити, но не треба да се јадат сурови, туку потребно е термички да се обработат.
Најдобри се сокот и џемот од бозел, а може да направите и слатко.

Џемот е добар за искашлување, но и за колачи и палачинки

Џем од бозел

Потребни состојки:

1 кг бобинки од бозел
500 г шеќер
1 лимон (сок и пулпа)
1 пакување желатин

Постапка:

Бобинките убаво се чистат и мијат, па се ставаат на оган да провријат околу половина час.

Тегличките  и капачињата се ставаат во рерна на 50 степени околу 20 минути.

Во бобинките се додава желатинот па се вари уште уште 5 минути. Се додаваат шеќерот и лимонот, се промешува уште малку додека да се изедначи а шеќерот да се растопи.

Се полнат топлите теглички, се затвораат и за кратко се превртуваат наопаку.

СОК ОД БОБИНКИ БОЗЕЛ

Потребни состојки:

2,3 кг исчистени бобинки бозел
500 мл вода
4 каранфилчиња
1 лимон
1 портокал
1 кг шеќер
20 г лимонтус

Постапка:

Измиените бобинки се прелеваат со вода и се варат со вода околу 20 минути додека да омекнат.

Добро се процедуваат и во врелиот сок се додаваат каранфилчињата, кора од лимон и портокал. Јас кората ја излупив со нож за компири.

Се поклопува и се остава да излади, околу 2-3 часа. Се додава шеќер и се вари 10-20 минути додека да исчезне пената која треба да се трга.

Тргнете од оган и додадете лимонтус, промешајте и складирајте во шишиња.

Loading...