Секоја недела го правам овој колач, зашто е брз, едноставен, целиот кремаст и што е најважно, децата многу го сакаат…Состојките секогаш ги имате в кујна…Еве што е потребно:
Потребни состојки:
7 јајца
30 лажици шеќер
7 лажици меко брашно
200 г скроб/нишесте/густин
6 кесички ванилин шеќер
2 литри млеко
500 мл вода
1 кора лиснато тесто (реш печена)*
500 мл слатка павлака за шлаг
*Наместо лисната кора можете да наредете бисквити кратко натопувани во млеко
за чоколадна глазура:
100 г чоколадо
2 лажици масло
80 г путер или маргарин
Постапка:
Одвојте ги белките од жолчките во посебни садови, па во секој сад ставете по 15 лажици шеќер и 3 кесички со ванилин шеќер.
Прво изматете ги белките во цврст снег и тргнете го настрана (Подобро се мати кога прво ќе ги изматите само белките во цврст снег, а потоа постепено ќе го додавате шеќерот и ќе матите додека тој се растопи).
Потоа во другиот сад изматете ги жолчките со шеќерот додека да станат кремасти, па додавајте по ред: 300 мл млеко, брашно и густин.
Во поголем сад ставете 500 мл вода и 1700 мл млеко, па кога ќе зоврие со миксање со миксерот сварете ја смесата со жолчките на тивко (околу 5 минути).
Тргнете од оган и во врелиот крем со лажица додајте го и измешајте го снегот од белки.
Во една тепсија ставете ја печената кора од лиснато тесто и врз нејзе излејте го врелиот крем.
Оставете да се олади. Потоа, распоредете 500 мл изматена слатка павлака изматена во шлаг и полека прелијте со чоколадна глазура.
Јас ја подигам тепсијата од едниот крај и полека со лажица ја нанесувам глазурата за да може таа да се слева врз шлагот.
