Брзи ролати без печење: Десерт од неколку состојки што ќе го правите повторно и повторно
Доколку барате едноставен, економичен и вкусен десерт кој не бара печење, овие ролати се вистинскиот избор.
Се подготвуваат брзо, од состојки кои најчесто веќе ги имате дома, а резултатот е впечатлив десерт погоден за родендени, семејни собири, празнични трпези или секојдневно уживање.
Дополнително, рецептот лесно може да се приспособи со различни додатоци според вашиот вкус, пишува НМД. Еве што ви е потребно:
Потребни состојки:
• 300 г мелени бисквити (Плазма или други по избор)
• 1 полна лажица шеќер во прав
• 1 кесичка ванилин шеќер или неколку капки арома по желба
• 3–4 лажици мелени ореви
• 90 г растопен путер или маргарин
• 200 мл млеко
• 1–2 лажици какао во прав (за темната смеса)
За декорација:
• растопено бело чоколадо
• растопено темно чоколадо
Начин на подготовка:
Во поголем сад измешајте ги мелените бисквити, шеќерот во прав, ванилиниот шеќер и мелените ореви. Додајте го растопениот путер и постепено налевајте го млекото, мешајќи додека не добиете компактна и лесно обликувачка смеса.
Доколку сакате ролатите да бидат во две бои, поделете ја смесата на два еднакви дела. Во едниот дел додајте какао во прав и добро измешајте додека смесата не добие рамномерна темна боја.
На работна површина поставете хартија за печење. Од смесата обликувајте валјак со должина од околу 15 сантиметри, а потоа со помош на хартијата внимателно завиткајте и обликувајте цврст ролат.
Подготвените ролати ставете ги во фрижидер најмалку два до три часа за добро да се стегнат.
Откако ќе се изладат, исечете ги на парчиња со дебелина по желба. Секое парче потопете го до половина во растопено бело или темно чоколадо и оставете го кратко да се исцеди пред сервирање.
Совет плус:
Во смесата можете да додадете сечкани лешници, кокос, суво овошје или чоколадни трошки за дополнителна арома и поинтересна текстура.
Добар апетит!
Постапката можете да ја погледнете во видео прилогот ОВДЕ:
