🥚 Домашен мајонез од варени јајца – совршен начин да ги искористите велигденските остатоци
По празниците како Велигден, често ни остануваат варени јајца. Наместо да ги фрлате или да ги користите на ист начин, претворете ги во кремаст, вкусен и економичен домашен мајонез.
Овој рецепт е брз, едноставен и идеален за сендвичи, салати или како прилог кон различни јадења.
Дополнително, подготовката дома ви овозможува контрола врз состојките – што е особено важно за оние кои внимаваат на квалитетот на храната и изборот на намирници, пишува НМД. Еве што ви е потребно:
🛒 Потребни состојки:
• 4 варени јајца (излупени)
• 80 мл масло
• 80 мл ладна вода
• 1 лажичка сол
• 1 супена лажица оцет (9%) или лимонов сок
• по желба: 1 лажичка сенф
• НМД
👩🍳 Постапка:
1. Варените јајца ставете ги во стаклена тегла или сад погоден за блендирање.
2. Со виљушка или блендер, благо притиснете ги за да се раздробат.
3. Сипете масло и ладна вода врз јајцата.
4. Додајте сол и оцет (или лимонов сок), а по желба додајте и сенф за побогат вкус.
5. Блендирајте со рачен или обичен блендер додека да добиете изедначена, мазна и кремаста смеса со конзистенција на мајонез.
6. Доколку сакате погуста текстура, додајте малку повеќе масло; за полесна – малку вода.
7. Чувајте го мајонезот во фрижидер во затворен сад и употребете го во рок од неколку дена.
💡 Совети и варијации:
• Додајте малку сув лук или сув босилек за дополнителен вкус.
• За поздрава варијанта, користете ладно цедено масло.
• Одличен е како намаз за појадок, како и за салати и сендвичи.
• Постапката погледнете ја во видео прилогот ОВДЕ:
