Карамелен гриз колач со јаболка и ореви
Овој сочен и мирисен десерт спојува нежност на гризот со свежина на рендани јаболка и крцкава текстура на оревите, а топлиот карамел прелив му дава луксузна завршница.
Маслото и млекото ја прават смесата воздушна, додека овошјето и јаткастите плодови создаваат совршен баланс на вкусови.
Едноставен за подготовка, а со изглед и арома достојни на врвна посластичарница — колачот исчезнува за миг, пишува НМД. Еве што ви е потребно:
Потребни состојки:
2 јајца
6 лажици шеќер
50 г путер (растопен)
100 мл млеко
10 лажици гриз
1 кесичка прашок за печиво (12 г)
3 јаболка (изрендани)
3 полни раце ореви (ситно мелени)
200 г крем карамел (купечки, кој се користи за колачот трилече)
НМД
Постапка:
Јајцата изматете ги со миксер и постапно додавајте го шеќерот. Матете додека смесата се згусне и побели.
Додајте го растопениот путер, млекото, гризот и прашокот за печиво. Продолжете со матење додека сè се соедини. Потоа сипете ги ренданите јаболка и мелените ореви. Промешајте со лажица.
Помал калап намастете го и побрашнете го, а вишокот брашно истресете го. Истурете ја смесата и израмнете ја површината. Печете во претходно загреана рерна на 180 °C околу 25 минути.
Веднаш штом е готов, премачкајте го со крем карамелот. Послужете го топол или ладен, секако е вкусен. Постапката погледнете ја во видео прилогот ОВДЕ:
