Торта со праски без путер
Оваа торта со праски е совршен десерт за секоја прилика – лесна, ароматична и со неодолив вкус на свежи праски.
Без путер, а сепак мека и сочна, оваа торта ќе ги воодушеви сите љубители на слатки. Подгответе ја и уживајте во нејзината едноставност и богат вкус, пишува НМД. Еве што ви е потребно:
Потребни состојки:
– 2 јајца
– 100 г шеќер
– 8 г ванилин шеќер
– 100 мл масло
– 100 мл млеко
– 250 г брашно
– 15 г прашок за печиво
– 1-2 лажици ситно сечкани или мелени ореви
– 1-2 лажици рендано чоколадо
– 3 праски или овошје по ваш избор
– Кокосово брашно за декорација
– Стаклен или метален плех со дијаметар од 26 см
– НМД
Постапка:
1. Во длабок сад, со миксер изматете ги јајцата, шеќерот и ванилиниот шеќер додека смесата да стане густа, светла и кремаста.
2. Постепено додајте го маслото и млекото, па кратко измешајте со миксер за да се соединат состојките.
3. Во смесата додајте го брашното, прашокот за печиво, ситно сечканите или мелени ореви и ренданото чоколадо. Матете кратко, само колку да се изедначи смесата.
4. Плехот намастете го и посипете го со малку брашно. На дното рамномерно распоредете ги праските, исечени на коцки, за да го покријат целото дно.
5. Врз праските истурете ја подготвената смеса и израмнете ја површината со шпатула.
6. Печете во претходно загреана рерна на 180 степени Целзиусови околу 50 минути или додека тортата добие златно-кафеава боја. Проверете ја готовноста со чепкалка – ако излезе сува, тортата е печена.
7. Оставете ја тортата да се излади во плехот, а потоа внимателно превртете ја на чинија за послужување, така што праските да бидат на врвот.
8. По желба, посипете ја тортата со кокосово брашно за декорација.
9. Послужете ја тортата исечена на парчиња и уживајте во нејзиниот прекрасен вкус.
Оваа торта е идеална за семејни собири или за уживање со шолја кафе. Добар апетит! Постапката можете да ја погледнете во видео прилогот ОВДЕ:
https://www.youtube.com/watch?v=sQvVHqu9cLQ
