Брз десерт со гриз, какао и кокос
Овој вкусен и едноставен десерт со гриз, какао и кокос е идеален избор за сите оние кои сакаат брзо да подготват нешто слатко без користење рерна.
Со кремаста текстура и богат вкус, овој десерт ќе ги воодушеви вашите сетила и е совршен за секоја прилика, пишува НМД. Еве што ви е потребно:
Потребни состојки:
1 литар млеко
1 чаша шеќер
1 чаша гриз
3 лажици какао во прав
50 грама кокосови трошки
НМД
Постапка:
1. Во тенџере со средна големина, измешајте ги млекото, шеќерот, гризот и какаото во прав. Мешајте додека да се добие хомогена смеса.
2. Ставете го тенџерето на умерен оган и варете со постојано мешање за да се спречи создавање грутки.
3. Откако смесата ќе почне да врие, продолжете со варење уште 2 минути, мешајќи постојано додека да се згусне.
4. Тргнете го тенџерето од оган и префрлете ја смесата во калап со средна големина. Израмнете ја површината со шпатула или лажица.
5. Оставете го десертот да се олади на собна температура, а потоа ставете го во фрижидер најмалку 2 часа за да се стегне.
6. По стврднувањето, превртете го десертот на чиста работна површина. Исечете го на коцки со големина по ваша желба.
7. Секоја коцка извалкајте ја во кокосови трошки за да добиете дополнителен вкус и декоративен изглед.
Сервирајте го десертот ладен и уживајте во неговиот богат вкус! Добар апетит! Постапката погледнете ја во видео прилогот ОВДЕ:
