Баба ми го правеше овој леб и навистина ќе ви трае цела недела.
Јас го правам 20 години и го препорачувам на сите што сакаат домашен леб.
Денеска се сетив на овој рецепт бидејќи една госпоѓа го спомна во група за готвење и затоа решив да ви пишам. Според мене, ваквите рецепти не треба да се заборават, тие се ретки и многу добри.
Она што го издвојува овој леб од другите домашни лебови е есна состојка која му дава одличен мирис и вкус, а станува збор за ким.
Откако ќе се замеси тестото се додава лажичка ким во зрно, а потоа кој сака лебот може да го посипе целиот со ким пред печењето. Еве го рецептот, еден со мерки во чаша и уште еден рецепт според Ренчи:
Рецепт 1 (според Ренчи):
500 г остро брашно
1 кесичка сув квасец
1 лажичка сол
1 лажичка шеќер
250 мл топла вода
1 лажичка ким во зрно
путер за калапот да се премачка
вода и брашно за мачкање на лебот
Рецепт 2 (се мери со чаша од 200 мл):
3 чаши обично брашно
20 г свеж квасец
1 лажичка ким во зрно
3 лажички сол
1 и 1/4 чаша вода
ПОСТАПКА рецепт 1:
просејте го брашното, помешајте го со квасец, сол и шеќер, па со додавање на топла вода, малку по малку, замесете меко тесто.
Пред крај на месењето додајте го кимот. Оставете го на топло место, добро покриено (да нема провев во просторијата) за да може да ферментира.
Кога ќе го зголеми волуменот, еднаш премесете го, но нежно, како да го диплите. Обликувајте го според големината на калапот (кој претходно сте го премачкале со путер), нежно сместете го тестото внатре и оставете го покриено уште малку да ферментира.
Напревете прелив од млака вода и брашно со густина на течен јогурт, па премачкјате го тестото. Посипете го со ким и печете го во добро загреана рерна на 180 степени, приближно 40 минути.
Извадете го лебот од калапот, премачкјате го со вода и завиткајте го во платнена крпа за омекне кората. Следи постапката за вториот рецепт:
ПОСТАПКА рецепт 2:
Подготовката е иста како и за секое класично тесто. Го мешаме квасецот со малку топла вода, брашно и шеќер, оставаме 15-тина минути да се активира и запени.
Потоа се додава во остатокот од брашното и со остатокот од топлата вода и сол се замесува тесто. Кога ќе се обликува се додава и ким во зрно. Оставете да нарасне најмалку 3 часа (јас го оставам подолго).
Правилото за овој леб е дека колку подолго тестото ферментира, толку повеќе дупки ќе има по печењето. Рерната ја загреавме на 250 степени.
Обликуваниот и нараснат леб во калап обложен за печиво премачкајте го со вода и масло, посипете го со семки и семе по желба, па ставете го да се пече во добро загреана рерна.
Важно е лебот да се испече како што треба (односно на вистинска температура), па го печеме првите 15 минути на температура од 250 степени. Потоа намалете ја температурата на 220 степени и печете уште 35 минути.
Секоја рерна пече различно, но треба да бидат доволни + – 5 минути. Топлиот леб од рерната премачкајте го со вода и оставете го да се излади. Лебот го чувам завиткан во платнена крпа.
