Онколозите советуваат дека не постои рецепт за совршено здравје, но храната може да ни помогне да се чувствуваме подобро и да го намалиме ризикот од разни болести. Онколозите споделија со нас како изгледа една здрава диета, односно здрава исхрана и која храна треба засекогаш да се исфрли од менито.
Белиот леб и преработките од месо обично се полни со адитиви и не се добра опција, но сведоци сме дека голем процент од светката популација секојдневно ги консумираат. Исто така, брзата храна спаѓа во списокот на забранети намирници, па доколку се грижите за вашето здравје, лекарите советуваат да ја одбегнувате.
Онкологот од Денвер, д-р Роберт ЛаПорте за самиот себеси вели дека не јаде многу преработки од месо и избегнува тестенини. Ретко јаде колачиња, бидејќи се преполни со шеќер.
„Клучот за правилна исхрана е да се избегнат секојдневните искушенија со кои сме опкружени“, вели професорот Марк Морис од Лос Анџелес. Исфрлањето масни и слатки закуски е клучно. Закуските се полни со лоши масти, шеќери, но и додатоци, а сите заедно лошо влијаат на организмот.“
Па, доколку имате напади на глад, направете го она што тој го прави – јадете туна. Туната е полна со витамини и минерали и брзо ќе ве засити. Повеќе за туната прочитајте ОВДЕ.
“Црвеното месо треба да се намали и да се јаде многу ретко, додека прженото месо е целосно забрането. Тоа воопшто не е здраво”, нагласува д-р Чарлс Кас. „Внимавам на внесот на протеини и растителни влакна, затоа се обидувам да јадам до 5 овошја или малку зеленчук секојдневно, верувам дека свежата храна е одличен начин да се спречат разни болести“, вели д-р Јордан Берлин.
Онколозите препорачуваат и зголемен внес на риба, бидејќи истата содржи омега 3 масни киселини за кои е докажано дека се добри за срцето, цревата и кр-вниот систем. Д-р Мајк додава дека е добро да се јадат јаткасти плодови, особено ореви, поради содржината на влакна, омега-3 масни киселини и добри масти. Говедското месо е исто така добар избор.
Според едно неодамнешно истражување, поголемиот дел од населението јаде сосем погрешно. На телото му треба вистинска комбинација на протеини, витамини и растителни влакна за да не се чувствуваме гладни и телото да добие доволна количина на сите потребни хранливи материи.
Ние ви го пренесуваме планот на исхрана, од д-р Демаја, автор на Диетата за доктори. Хранете се на овој начин и никогаш нема да имате проблеми со телесната тежина – напишано е во книгата.
Појадок: 90 г овесни снегулки, 125 мл млеко, 140 гр грчки јогурт
Постапка: Измешајте ги сите состојки и оставете ги во фрижидер преку ноќ и додадете по желба: рендано зелено јаболко, цимет или суво грозје, малку кора од лимон, калинка, малини, боровинки или овошје по ваш избор.
Оваа едноставна каша која изобилува со нутриенти ќе му обезбеди на организмот енергија, ќе ги задоволи потребите на диететски влакна, железо, витамини од групата Б и протеини.
Ручек: малку маслиново масло, 1 чешње лук, 1 сечкан кромид, 400 г конзервиран бел грав, 400 г шарен грав од конзерва, 1 литар пилешка супа, 10 лисја од жалфија, 1 чаша сечкан магдонос, прстофат сол, 100 г печурки, прстофат црн пипер.
Подготовка: Во голем сад загрејте го маслиновото масло, потоа додајте го кромидот и лукот и пржете 10 минути на тивок оган. Додајте го гравот и конзервирана течност, супата, лисјата од жалфија и магдоносот, поклопете и продолжете да варите уште 20 минути, а потоа измешајте сè добро со мешалка додека да стане кремаста супата и додајте сол и црн пипер. Ставете малку маслиново масло во тавче и додајте ги печурките. Пропржете ги малку, а потоа измешајте ги со кремастата чорба. Јадете со интегрален леб.
Вечера (за 4 порции): 3-4 средна ослич риба, 2 лимони исечкани на парчиња, 1 чешње лук, прстофат сол, црн пипер, малку маслиново масло, малку копар, јаглика.
Подготовка: Загрејте ја рерната на висока температура. Во сад со маслиново масло ставете лимон, лук, копар, црн пипер и додајте малку јаглика и промешајте. Рибата премачкајте ја со претходно подготвената смеса и ставете ја секоја риба во фолија. Печете 7 минути, извадете ја од рерна и оставете да се излади пред да ја сервирате.
Закуски: Неопходно е да имате 2 закуски во текот на денот и тие треба да се состојат од храна богата со растителни влакна и протеини. Изберете ореви, зеленчук, овошје или јогурт со малку маснотии. Текстот за НМД.мк го напиша Мартина Христовска
