Кумкват е многу вкусно, здраво и интересно цитрусно овошје. Според изгледот потсетува на портокалот, но има малку покиселкаст вкус. Плодовите се значително поситни, а според пропорциите најмногу потсетува на кивито. Главната карактеристика на овој плод е тоа што, за разлика од другите цитрусни плодови, се јаде заедно со кората која е преполна со хранливи материи и многу е корисна за здравјето.

Можеби тука не треба да заборавиме и лимонот, кој исто така, доколку е органски произведен, најдобро е да се изеде целиот заедно со кората, бидејќи токму таа ги содржи најголемиот дел од хранливите материи. Кумкватот содржи големи количини на витамин А, Ц и Е, како и фитонутриенти кои нè штитат од лошото влијание на слободните радикали.

кумкват

Ако досега не сте слушнале за ова овошпје, ние ќе наведеме неколку причини поради кои би требало да го пробате ова овошје. Пред консумирање се препорачува плодот малку да се протрие, за да се ослободат аромите од кората и да добие слаткасто-кисел вкус, специфичен за ова овошје.

кумкват, портокал, мандарина

Помага во јакнење на имунитетот

Поради големите количини на витамин Ц во својот состав, кумкватот е совршен сојузник во борбата против настинките, грипот и останатите инфекции. Количина од 100 г задоволува дури 73% од RDA (препорачана дневна доза) од овој витамин.

кумкват

Го забрзува лекувањето на ра ните

Витаминот Ц е познат како добар сојузник во обновата на оштетените клетки. Докажано е дека секојдневното консумирање на овој цитрус придонесува за побрзо лекување на сите видови кожни повреди (отворени ра-ни, површни ра-ни, гре-баници и модринки). Воедно, помага во лекувањето на воспалителни процеси.

кумкват

Штити од кар-цином и инфекции

Благодарение на високата концентрација на антиоксиданси како што се витамините А, Ц и Е, како и флавоноидите како што се каротен, танини и пектин, „златниот портокал“ го штити организмот од слободните радикали кои ги оштетуваат ДНК клетките.

кумкват

Помага во исфрлање на каменчиња од организмот

Докажано е дека природната лимонска киселина има голема улога во превенцијата и лекувањето на болести поврзани со бубрезите и жолчните каменчиња. Киселите намирници ја имитираат желудечната киселина и ја поттикнуваат жолчката на контракции за исфрлање на каменчињата.

кумкват

Помага во намалување на холестеролот, од кои се состојат повеќето бубрежни каменчиња, па кумкватот претставува и природна заштита од нивното создавање во организмот. Антиоксидансите во ова овошје се заслужни за целосната заштита на бубрезите – ги неутрализираат отро-вите во организмот, ги разградуваат мастите и овозможуваат подобра апсорпција на хранливите материи.

кумкват

Го подобрува здравјето на кардиоваскуларниот систем

Фитонутриентите скриени во плодовите на кумкватот помагаат во намалување на холестеролот и триглицеридите во кр-вта и на тој начин го намалуваат ризикот од срцев и мозочен у дар. Ова овошје е богат извор на калиум, заслужен за нормализирање на кр-вниот притисок и срцеви отчукувања. Омега 3 и омега 6 масните киселини се исто така обилно присутни во овој цитрус, а нивната важност за здравјето на кардиоваскуларниот систем е одамна потврдена.

кумкват

Природна енергија за вашиот организам

Рибофлавинот од кумкватот го забрзува метаболизмот на храната – протеини, јаглехидрати, масти, нуклеинска киселина и витамини. Според тоа, овошјето кумкват претставува природен извор на енергија за организмот, кој можете да го консумирате во било кој период.

Го успорува процесот на стареење

Според бројни истражувања, антиоксидансите во голема мера помагаат во успорување на процесот на стареење. Ова овошје е делотворно против брчки и старечки пеги, како и против сите воспалителни процеси на кожата. Ја одржува младоста и еластичноста на кожата.

Поради високата концентрација на витамините А и калциум, со редовно консумирање на ова овошје значително се придонесува за правилен развој и јакнење на коските и забите. Помага и при восплителни процеси како што се ревма, гихт и претставува нивна природна превентива.

кумкват

Останати лековити својства на кумкватот:

-ја нормализира дигестијата и работата на цревата, го подобрува метаболизмот, помага при лекувањето на воспалителни процеси, ги сузбива артритисот и ревмата, го стимулира производството на к-рв, спречува мозочен и срцев у дар, ги ублажува алергиските реакции, ја чува кожата, очите и косата, смирува и освежува, го чува здравјето на нервниот систем, штити од стрес и депресија

кумкват

Одгледување и чување

Постојат неколку видови кумкват, а најзастапени се три видови: овален или нагами кумкват (Fortunella margarita), топчест или маруми кумкват (Fortunella japonica) и јајчест или меива кумкват (Fortunella crassifolia). Неутрално до слабо кисела почва, сончева положба заштитена од ветер и редовна количина влага се идеална комбинација за одгледување на ова цитрусно овошје.

кумкват

Плодовите дозреваат при крајот на есента и почетокот на зимата, а на стеблото можат да се задржат и со месеци, под услов, температурата да не се симне под -3 степени. Колку е потопла климата, толку неговите плодови се повкусни и посочни. Кога ќе се наберат, на собна температура можат да стојат и до 4-5 денови, а во фрижидер и до 20 денови.

кумкват

Употреба во исхраната

Овој цитрус е одличен за приготвување на напитоци како што се сокови, сирупи, коктели и ликери. Неодолив е во облик на џем, желе, мармалад, компот и сладолед како и соврешен додаток во пити, колачи и овошни салати. Познати се етеричните масла и разните екстракти со додаток на кумкват кои се идеална помош при воспалено грло и разни тегоби на дишните патишта. Атрактивните плодови на кукватот се незаменлива декорација на разни слатки, но и солени јадења.

кумкват

РЕЦЕПТ. Едноставен пудинг од кумкват – Потребни состојки: 60 г кремасто сирење по желба, 50 г слатка павлака, 250 г ситно исечкан кумкват, сладило по желба, мед, шеќер, стевија, шлаг (по желба за декорација). Постапка: Во блендер добро измешајте ги сите состојки, украсете со шлаг, изладете и уживајте во вкусниот и здрав рецепт!