Куглоф “Бонбон колач” со чоколадо, многу лесен за подготовка, а сите ги воодушевува и со вкус и со изглед

Фото и рецепт на Билјана Ристиќ – Бонбон колач.

Ова е еден многу чоколаден и необичен колач. За вистинските љубители на чоколадото и слаткото. Првиот пат кога го правев не бев сигурна дали ќе успее. Но, тој во суштина е многу лесен за правење и ќе биде вистинско воодушевување за вашите гости. За овој колач ќе ви биде потребно вкупно 1,150 г чоколадо (750 г бело+175 г црно+225 г млечно)

Потребни состојки:

Loading...

300 г бело чоколадо
620 г маскарпоне
25 г шеќер
240 мл слатка млечна павлака
175 г црно чоколадо
225 г млечно чоколадо
225 г бело чоколадо
14 орео кекси
75 г путер
225 г бело чоколадо

Постапка:

Бонбон колачот се приготвува во калап за куглов. Најпрво растопете 300 г бело чоколадо (на пареа) и потоа излејте го по ивиците на калапот. Кога чоколадото ќе ја обложи целата внатрешна површина на калапот, ставете го во фрижидер да се олади околу половина час.

Во следниот чекот пригответе 620 г свежо сирење (маскарпоне или друго), 25 г шеќер и 240 мл слатка млечна павлака. Сето добро измиксајте додека маталките од миксерот не оставаат цврст траг зад себе. Добиената смеса поделете ја на три еднакви делови.

Во првиот дел додадете 175 г црно чоколадо и промешајте. Хомогенизараната смеса потоа излејте ја во калапот каде белото чоколадо веќе убаво се стегнало. Вратете го куглофот повторно во фрижидер и пригответе го вториот фил.

Во вориот дел додадете 225 г растопено млечно чоколадо и исто така соединете во хомогена смеса и излејте врз слојот од црно чоколадо. Убаво израмнете и вратете во фрижидер, па пригответе го и третиот фил.

Во третиот дел додадете 225 г растопено бело чоколадо. Кога смесата убаво ќе се хомогенизира како претходните два слоја, убаво израмнете и вратете во фрижидер.

Потоа земете 14 орео кекси со бел фил во средината, па издробете ги во процесор и прелијте ги со 75 г растопен путер. Ќе добиете убава масна смеса која со рака треба да распореди врз последниот слој. Јас кексот го триев меѓу прсти исто како кога солите некое јадење за да може кексот убаво рамномерно да се распореди по површината се до крајот на ивиците.

Вратете во фрижидер, па растопете ги последните 225 г бело чоколадо, па излијте го врз ореото. Тоа е последниот дел и всушност претставува дното на колачот. Оставете го да преноќи во фрижидер за убаво да се стегне.

Следниот ден превртете ја тортата еден час пред послужување и почекајте да се слизне сама од калапот, додека ивиците не постигнат собна температура.

Фото и рецепт на Билјана Ристиќ
Loading...