Јаспер Хулшер е квалификуван физиотерапевт кој има создадено уникатни протоколи за третман на мускулно-скелетни заболувања, кој своето знаење го комбинира со стекнатото искуство, па своите пациенти ги едуцира не само од областа на кинезитерапијата, туку и за вежбањето и исхраната.
Тој смета дека за да биде успешен еден третман, пациентот пред сè треба да се едуцира и да знае како воопшто дошло до појава на одредената болест, да се стекне со основни анатомски познавања и како може самиот да придонесе за подобрување на состојбата, но и да ги превенира идните заболувања.
Моментално работи на две клиники во Обединетото Кралство. Овојпат ќе се осврнеме на неговата вежба за болно рамо, уште наречено и „пливачко рамо“, која покажала висок процент на ефикасност од 98% кај испитаниците.
Пливачко рамо претставува повреда на рамото која најчесто се јавува кај пливачите (и поради тоа го добила овој назив), поради повторувачките движења на мускулатурата во рамениот зглоб. Но, оваа повреда може да се јави кај било кој човек или спортист.
Најчесто станува збор за тендитис (воспаление на тетивите на мускулите) кој ја сочинуваат ротаторната манжетна (групи мускули кои го стабилизираат рамениот зглоб и овозможуваат кружни движења).
Најпрво потребно е да направите мали, кратки тестови за да се уверите дека навистина станува збор за „пливачко рамо“. Застанете во исправена положба со рацете покрај тело.
Подигнете ја раката пред вас за 90 степени, а потоа хоризонтално придвижете ја кон надвор за 30 степени за цело време палецот исправен во висина на очите.
Потоа палецот свртете го кон долу, а со другата рака одозгора притиснете на подлактицата. Ако ви предизвика б олка, тогаш со сигурност имате вклештување на тетивата во зглобот.
Втор тест: застанете во исправена положба со рацете покрај тело, па потоа раката од страната на болното рамо подигнете ја хоризонтално од страната на телото за 90 степени, потоа свиткајте ја во лактот и придвижете ја кон вас и со палецот допрете го спротивното рамо.
Со другата рака притиснете ја надлактицата во пределот на рамото и ротирајте ја подлактицата надолу и конвнатре. Ако ова ви предизвика болка, тогаш сигурно имате вклештување на тетива, односно имате „пливачко рамо“.
Следната вежба е број еден кога станува збор за ваков проблем со рамото, а се базира на вежбата опишана од страна на американски ортопедски хирург Џон Кирш во неговата книга „Болки во рамо“.
Постојат два услови кои мора да ги исполнувате пред отпочнување на оваа вежба. прво, мора да можете да ја подигнете раката до 90 степени и доколку предлодно сте имале дислокација на рамениот зглоб, претходно да се консултирате со вашиот лекар.
ВЕЖБА: Пронајдете разбој или нешто слично на кое ќе можете да се фатите со рацете, со дланките да гледаат кон надвор, на растојание на рамената. Фатете се со рацете и висете на разбојот 20-30 секунди.
Ова ќе овозможи структурите на рамениот зглоб да се одалечат и да ја ослободат приклештената тетива.
После 20-30 секунди направете пауза од 1 минута, а потоа повторете. Оваа вежба треба да ја повторувате 10 до 15 минути дневно и гарантира голем успех.
Откако ќе ја совладате оваа вежба, и без никаков проблем можете да ја подигнете раката во висина од 90 степени, продолжете со вториот дел од вежбата за што ви потребни мали тегчиња.
Ако немате тегови, едноставно послужете се со мали шишиња вода (или наполнете ги со песок). Фатете ги теговите со раце покрај тело, дланки свртени кон надоолу, а потоа подигнете ги над главата така да можат да се допрат двете дланки (над главата).
За полесно изведување легнете на под и ова правете го со лизгање на рацете по подот.
Потоа спуштете ги рацете повторно покрај телото. Оваа вежба повторете ја 30-45 пати. Потоа дланките со теговите поставете ги напред и полека подигнете ги во висина на очите и продолжете нагоре, до над главата. Спуштете ги. И оваа вежба потребно е да се повтори 30-45 пати.
За третата вежба потребно е теговите во вашите дланки да ги движите зад телото колку што можете, 30 до 40 пати во сет. Со ова се завршува вториот дел од вежбата. Остатокот од вежбите кои се добри за превенција и зацврстување на рамото погледнете ги во видеото ОВДЕ.
