Неодамна објавивме еден рецепт за домашен природен лек кој ја ублажува кашлицата, а се приготвува од какао, путер и мед. Со овие состојки се приготвуваат глазури, кремови и разни филови и намази за колачи и торти, но доколку се искомбинираат на еден посебен начин и точен сооднос, се добива многу ефикасен лек.
![](https://nmd.mk/wp-content/uploads/2021/10/IMG_5968.jpg)
Откако го објавивме на нашата страница, се јави читателка на НМД да се заблагодари за рецептот и да ја потврди ефикасноста на овој домашен препарат. Имено, кашлицата кај нејзините деца за кратко време поминала, но тие сè уште барале од „лекот“, бидејќи многу им бил вкусен.
![](https://nmd.mk/wp-content/uploads/2021/10/IMG_5970.jpg)
Накратко ќе објасниме зошто и како делуваат состојките од кои се приготвува овој домашен препарат, а сите кои сакаат веднаш да го прочитаат рецептот, истиот можат да го најдат подолу во текстот.
![](https://nmd.mk/wp-content/uploads/2021/10/IMG_5973.jpg)
Какаото е многу ценета намирница поради полифенолите кои влегуваат во нејзиниот состав, а кои го даваат главниот лековит ефект. Во комбинација со мед и путер се препорачува како превенција и лек за настинки и кашлица. Има својство да ги отстранува другите тегоби, но и да го спречува понатамошниот развој на болеста.
![](https://nmd.mk/wp-content/uploads/2021/10/IMG_5955-e1635262858677.jpg)
Какаото ја подобрува циркулацијата и квалитетот на к рвта, па поради тоа доаѓа и до зголемена исхранетост во респираторниот систем. Тоа ги cтимyлиpа метаболитичките процеси: повеќе кислород и хранливи материи влегуваат во белодробните крила, а метаболитите полесно се исфрлаат.
![](https://nmd.mk/wp-content/uploads/2021/10/IMG_5971.jpg)
Путерот добро го загрева телото, продира во длабоките ткива и ја обложува слузокожата. Покрај тоа, овозможува подобро разредување на густата слуз и нејзино полесно исфрлање од бронхиите. Оваа лековита смеса исто така може да се нанесува и на слузокожата од носот, за да спречи бактериски и вирусни инфекции.
![](https://nmd.mk/wp-content/uploads/2021/10/IMG_5961.jpg)
Смесата е многу вкусна, па истата може да се мачка на леб, од неа да се приготвуваат разни слатки и здрави колачи. Има неодолив вкус, па многу е т ешко да се задржите на една лажица. Рецептот е многу едноставен и многу брзо се приготвува. Рецепт и фотографии на Рената Трајчевска.
![](https://nmd.mk/wp-content/uploads/2021/10/IMG_5974.jpg)
ПОТРЕБНИ СОСТОЈКИ: 100 г несолен путер, 100 г мед и 33 г органско, квалитетно какао (една третина од 100 грамско пакување). ПОСТАПКА: Путерот исечкајте го на коцки и ставете го да се растопи на многу тивок оган. Температурата не смее да премине над 40 степени за да не се изгубат лековитите својства. Или растопете во микробранова печка.
![](https://nmd.mk/wp-content/uploads/2021/10/IMG_5964.jpg)
Во растопениот путер се додава 100 г мед и 33 г какао. Сите состојки добро се мешаат за да се изедначат додека да се добие хомогена смеса, без грутчиња. Додека смесата е сè уште млака и речиси течна, складирајте ја во некоја стаклена тегла, претходно стерилизирана.
![](https://nmd.mk/wp-content/uploads/2021/10/IMG_5972.jpg)
Се чува во фрижидер, а рокот на траење е дури 4-5 месеци. Откако ќе се стегне, смесата е густа и со многу темна боја. Кога станува збор за лек на респираторен систем, може да се користи каков било домашен квалитетен мед, но како најдобри се покажале медот од костени и шумскиот мед (потемен).
![](https://nmd.mk/wp-content/uploads/2021/10/IMG_5962.jpg)
УПОТРЕБА: Како лек за кашлица се зема трипати на ден по една лажичка. Може да се јаде така, полека да се растопува во устата, а може и да се раствора во топло млеко, ако им се дава на деца над 2 години.
![](https://nmd.mk/wp-content/uploads/2021/10/IMG_5963.jpg)