Чоколаден чизкејк без печење
Овој чоколаден чизкејк е совршен избор за оние кои сакаат брз, но импресивен десерт. Со богат вкус на чоколадо и кремаста текстура, овој рецепт ќе ги освои сите љубители на слатки задоволства.
Подготвен за помалку од еден час, овој чизкејк според рецептот на Нела е идеален за секоја пригода, пишува НМД. Еве што ви е потребно:
ПОТРЕБНИ СОСТОЈКИ:
За кората
– 200 г мелени бисквити
– 2 лажици шеќер во прав
– 60 г растопен маргарин
– 3 лажици какао во прав
– 3–4 лажици млеко
За кремата
– 400 г крем-сирење (на пр. ABC, филаделфија…)
– 80 г шеќер во прав
– 250 г растопена чоколада за готвење
– 100 г чоколаден намаз (на пр. Нутела)
– 250 мл слатка павлака
– НМД
За ганашот
– 150 мл слатка павлака
– 150 г млечна чоколада
ПОСТАПКА:
1. Подготовка на кората
Во сад измешајте ги мелените бисквити, шеќерот во прав, какаото и растопениот маргарин.
Постепено додавајте го млекото додека смесата не стане компактна, но не премногу влажна. Распоредете ја смесата во калап со пречник од 24 см, рамномерно притиснете ја за да се формира кората и ставете ја во фрижидер да се стегне.
2. Подготовка на кремата
Изматете ја слатката павлака во шлаг и оставете ја настрана. Во посебен сад, со миксер измешајте го крем-сирењето со шеќерот во прав до хомогена смеса.
Додајте ја растопената чоколада за готвење и чоколадниот намаз, па продолжете со мешање неколку минути додека смесата се соедини.
Постепено додајте ја изматената слатка павлака, мешајќи на ниска брзина за да се добие кремаста текстура. Распоредете ја кремата врз оладената кора, израмнете ја и вратете го колачот во фрижидер.
3. Подготовка на ганашот
Загрејте ја слатката павлака на тивок оган, внимавајќи да не зоврие. Прелијте ја топлата павлака врз искршената млечна чоколада и мешајте додека чоколадата целосно се растопи.
Оставете го ганашот да се излади 2–3 минути, па прелијте го врз кремата.
4. Финализирање
Оставете го чизкејкот во фрижидер најмалку 2 часа за да се стегне. По желба, декорирајте со рендано чоколадо или свежо овошје пред сервирање.
Уживајте во овој неодолив чоколаден десерт! Рецептот на Нела е ОВДЕ:
https://www.instagram.com/p/CVYG-gesZ-A/?utm_source=ig_web_button_share_sheet
