Посна Фереро торта – десерт што остава впечаток
Оваа посна Фереро торта е совршен спој на чоколадо, лешници и богати кремасти филови.
Иако е посна, по вкус и текстура воопшто не заостанува зад класичните торти – напротив, изгледа свечено, раскошно и е идеална за празници, слави или кога сакате да подготвите нешто навистина посебно, пишува НМД. Еве што ви е потребно:
Потребни состојки
Кори (за 3 кори – плех 24 × 34 см)
• 400 г брашно
• 200 г шеќер
• 1 кесичка прашок за печиво
• 2 лажици какао во прав
• 100 г мелени лешници
• 50 г мелени бисквити
• 100 мл масло
• 2 лажици џем по избор
• 400 мл вода
Печење: 200 °C, 12–15 минути по кора
За премачкување на две кори
• 400 г посен чоколаден крем (еврокрем)
Фил I (чоколаден пудинг фил)
• 1 литар растително млеко
• 4 кесички пудинг од чоколадо
• 250 г маргарин
• 100 г мелени лешници
• 50 г мелени бисквити
• 100 г чоколадо
• 200 г шеќер
Фил II (лешников фил)
• 200 г маргарин
• 100 г шеќер во прав
• 200 г мелени лешници
• 200 г мелени бисквити
• 100 г чоколадо
• 300 мл растително млеко или сок
За декорација
• Мелени бисквити
• Мелени лешници
• НМД
Начин на подготовка
Подготовка на корите
Во подлабок сад додајте брашно, шеќер, прашок за печиво и какао во прав (просеано). Потоа додајте мелени бисквити и мелени лешници и измешајте.
Сипете масло и џем, па постепено додавајте ја водата, мешајќи со лажица додека да добиете мазна и хомогена смеса.
Смесата поделете ја на три еднакви дела. Првиот дел сипете го во плех обложен со хартија за печење и печете во претходно загреана рерна на 200 °C, 12–15 минути.
Постапката повторете ја и со преостанатите две кори. Оставете ги корите целосно да се изладат.
Фил I
Сварете ги пудинзите со растителното млеко и шеќерот според упатството. Додека филот е уште врел, додајте 50 г маргарин и 100 г чоколадо, мешајќи додека да се растопат. Оставете целосно да се излади.
Посебно, пенесто изматете ги преостанатите 200 г маргарин, па постепено додавајте го изладениот пудинг. На крај додајте мелени бисквити и мелени лешници и матете додека да добиете изедначен кремаст фил.
Фил II
Пенесто изматете го маргаринот со шеќерот во прав. Додајте ја растопената чоколада и кратко изматете. Потоа додајте мелени бисквити и мелени лешници, а растителното млеко (или сокот) сипете го малку по малку, матејќи додека да се добие густ, но мазен фил.
Редeње на тортата
1. Кора
2. Посен чоколаден крем (еврокрем)
3. Фил I
4. Фил II
5. Кора
6. Посен чоколаден крем
7. Фил I
8. Фил II
9. Кора
10. Фил I – одозгора и од страните
Тортата посипете ја со мешавина од мелени бисквити и мелени лешници.
Оставете ја во фрижидер преку цела ноќ, додека да се стегне и вкусовите целосно да се соединат.
Совет: Тортата најдобро се сече следниот ден, кога филовите се стабилни, а вкусот целосно развиен. Постапката погледнете ја во видео прилогот ОВДЕ:
