Рецепт за домашни тулумби
Тулумбите се традиционален десерт кој плени со својата сочност и крцкавост, идеален за уживање во секоја пригода.
Овој проверен рецепт, со прецизни мерки и едноставна постапка, гарантира совршени тулумби кои ќе ги воодушеват сите љубители на слатки.
Следете ги чекорите и уживајте во подготвувањето на овој вкусен специјалитет, пишува НМД. Еве што ви е потребно:
Потребни состојки (се мери со чаша од 200 мл)
За тестото:
– 2 чаши млеко
– 2 чаши вода
– 1 мала лажичка сол
– 1 супена лажица шеќер
– 3 супени лажици масло
– 4 чаши брашно
– 1/2 кесичка прашок за печиво
– 3 јајца
– 500 мл масло (за пржење)
– НМД
За шербетот:
– 1 кг шеќер
– 700 мл вода
Постапка
1. Во тенџере ставете ги млекото, водата, солта, шеќерот и маслото. Промешајте и загревајте на средна температура додека смесата почне да врие.
2. Во меѓувреме, во посебен сад измешајте го брашното со прашокот за печиво. Кога течната смеса ќе зоврие, постепено додавајте го брашното, мешајќи енергично со дрвена лажица за да се добие густа и хомогена смеса.
Мешајте додека тестото се одвои од страните на тенџерето и се формира компактна топка.
3. Тргнете го тенџерето од оган и оставете го тестото целосно да се олади.
4. Додека тестото се лади, подгответе го шербетот. Во тенџере ставете го шеќерот и водата, промешајте и загревајте на средна температура.
Откако смесата ќе зоврие, варете ја точно 10 минути за да се добие густ шербет. Оставете го шербетот да се олади.
5. Во оладеното тесто додајте ги јајцата едно по едно, мешајќи добро по секое додавање за да се соедини смесата. Можете да користите миксер или да мешате рачно додека да се добие компактно и меко тесто.
6. Во подлабок сад загрејте 500 мл масло на средна температура. Подгответе шприц за тулумби со соодветен продолжеток за да добиете карактеристични шари.
Најпрво намачкајте го шприцот со малку масло за да не се лепи тестото.
7. Наполнете го шприцот со тестото и истиснувајте тулумби врз послужавник или друга рамна површина. Тестото треба да биде густо, а истиснатите тулумби да можат да се фаќаат со раце без да им се наруши формата.
Спуштајте ги во загреаното масло, внимавајќи да не го преполните садот за да можат тулумбите слободно да се пржат. Тенџерето протресувајте го за да не ви се залепат.
Пржете ги на умерена температура (на електричен шпорет на степен 2 или 3) додека да добијат златно-кафеава боја од сите страни. Превртувајте ги за рамномерно пржење.
8. Откако тулумбите ќе се испржат, извадете ги и ставете ги на кујнска хартија за да се исцеди вишокот масло. Додека се уште топли, залијте ги во оладениот шербет и оставете ги да го впијат.
9. Сервирајте ги тулумбите на чинија и уживајте во нивната сочност и крцкавост.
Овој рецепт е едноставен, но сигурен, и ќе ви овозможи да подготвите тулумби со автентичен вкус, совршени за споделување со семејството и пријателите. Постапката погледнете ја во видео прилогот ОВДЕ:
