Колачи што се топат во уста
Овие колачи се вистинско уживање за сетилата – крцкави однадвор, меки однатре и со богат вкус на чоколадо што ги прави неодоливи.
Совршени се за секоја пригода, од попладневно кафе до празнична трпеза. Лесни за подготовка, овие колачи ќе станат ваш омилен рецепт за слатки моменти, пишува НМД. Еве што ви е потребно:
Потребни состојки:
– 80 г шеќер
– 2 јајца
– 1 лажичка ванилин шеќер
– прстофат сол
– 80 г стопен путер
– 220 г брашно
– 8 г прашок за печиво
– 80 г чоколадни трошки/капки
– НМД
Постапка:
1. Во длабок сад измешајте ги шеќерот, ванилиниот шеќер и прстофат сол. Додајте ги јајцата и мешајте додека смесата стане хомогена.
2. Во смесата постепено додајте го стопениот путер и продолжете да мешате.
3. Во посебен сад измешајте го брашното со прашокот за печиво. Потоа, постепено додајте ги сувите состојки во влажната смеса, мешајќи со лажица или шпатула додека сето се соедини.
4. На крај, додајте ги чоколадните зрнца и нежно измешајте за да се распоредат рамномерно во тестото.
5. Префрлете го тестото во готварски шприц или кеса, истиснувајте малечки топченца и распоредете ги на плех обложен со хартија за печење, оставајќи простор меѓу нив.
6. Печете во загреана рерна на 160 °C околу 15 минути или додека колачите добијат златнокафеава боја.
7. Откако ќе се испечат, оставете ги кратко да се изладат на плехот, а потоа префрлете ги на решетка за целосно ладење.
Уживајте во овие вкусни колачи што се топат во уста, идеални за споделување со најблиските! Постапката погледнете ја во видео прилогот ОВДЕ:
