Потребни состојки(за 4 лица):
400 г спанаќ
400 г млада коприва (како замена може магднос или мента)
80 мл масло
1 литар бистра зеленчукова супа како основа
Сол, лук во прав
60 г кисела павлака
8 јајца од препелица
Постапка:
1.Варете ги јајцата не подолго од 4 минути па ставете ги во ладна вода. Оставете постепено да изладат па дури потоа излупете ги.
2.Спанаќот исчистете го и грубо исечете го.
3.Ливчињата од коприва одвојте ги од стебленцата и исечкајте.
4.Загрејте масло, додадете го спанаќот и копривата, кратко динстајте, залијте со супата, зачинете со сол и лук во прав, па гответе 5 минути.
5.Послужете во чинии, во секоја додадете две варени јајца а во средината ставете лажица кисела павлака.
6.Декорирајте со ливче коприва, послужете црн леб.
Совет: освен лукче во прав пред крај на готвењето може да додадете ловоров лист.
