За овој колач не вклучувате миксер, ви требаат две чаши и само еден сад ќе извалкате, а вкупно ви се потребни само неколку минути за да го направите десертот.

За мерка се користи чаша од 200 мл

Потребни состојки:

1 чаша јогурт

1 чаша млеко

1 чаша масло

1 чаша кокос

1 ванилин шеќер

2 чаши шеќер

2 чажи брашно

1 лажичка прашок за печиво

За глазура:

100 г чоколадо

3 лажици масло

Постапка:

По тој редослед, со лажица или шпатула замесете ги сите состојки (јас оставам неколку минути шеќерот да се растопи во јогуртот и млекото). Намастете и набрашнете помал плех 20х17 и печете во претходно загреана рерна на 180 степени, околу 30-тина минути.

Проверете со чепкалка дали е печено. На пареа или на тивок оган, растопете чоколадо со масло и прелијте преку колачот. Штом глазурата ќе се стегне, можете да ги сечете штанглите.

А можете и вака: во третина од смесата ставив лажица какао и вака добивате мраморен колач.

Колачот е сочен и вкусен, воопшто не е сув.