Вистинска куќа од соништата: пронајдете ја омилената инспирација за вашиот дом

Ви претставуваме вистинска куќа од соништата, која комплетно ги исполнува желбите на нејзините сопственици. 

Нивната желба била постојано да се во допир со природата, и секој миг да уживаат во домот, чувствувајќи ја радоста и убавината на природата во секое катче од него, подеднакво и внатре и надвор. 

Нивните хедонистички визии, поддржани од дизајнерската умешност на Carla Rotaeche и Ana Pardo од локалното студио R&S, резултираат со прекрасно здание за хармоничен семеен живот. 

Loading...

Иако е во непосредна близина на урбаниот Мадрид, воодушевува со идиличниот природен амбиент, со ведрата енергија и раскошот од бои, со комфорот, како и топлината и свежината која се вдишува. 

Пријатните релаксирачки дразби за сетилата се вдахнати буквално во секој агол и простор. 

Во уредувањето на ентериерот доминираат суптилноста и смиреноста, преку мешавина на пастелни и неутрални тонови во собите, стилизирани со традиционални парчиња мебел, меки ткаенини, интересни текстури и дрвени допири. 

Акцентот  е ставен на цветните мотиви, интегрирани во ентериерот со флоралните дезени, апликации, тапети и декорации од живо цвеќе. 

Однадвор, пак, мамат воздишки атрактивната романтична градба со многубројни прозорци, деликатно уредената тераса со декор во интензивни бои, расцутената градина со зеленило, пространиот базен и преубавата орнаментална чешма. 

Одличен пример за спојот на архитектурата и природата во креирањето совршено место за живеење, со неверојатна естетика и функционалност. 

Погледнете ги фотографиите во продолжение и пронајдете ја омилената инспирација за вашиот дом.

divianartsarts.com

Loading...