Драги мои, ова е мој колач, толку многу е вкусен и сочен, што е греота е да не го пробате – уживајте!

Потребни состојки за 2 кори:

10 јајца

10 лажици шеќер

3 лажици какао – за кафеавата кора

1 прашок за печиво

200 мл масло

200 мл јогурт

10 лажици брашно

за фил:

200 г густин

1 ванилин шеќер или лажичка екстракт од ванила

100 г бело чоколадо

1 маргарин / путер (250 г)

200 г шеќер во прав

1 литар млеко

за фил2:

1,5 чаша (од 200 мл) шеќер (300г)

3 чаши вода (600 мл)

500 г боровинки или друго овошје

120 г пудинг од јагода или ванила (3 кесички)

За глазура: направете чоколадна глазура по ваш избор (со 400 г чоколадо и малку масло или хопла)

Постапка:

За кора: изматете 5 белки, додадете 5 лажици шеќер, 5 жолчки и натаму добро изматете. Додадете 5 лажици брашно, половина прашок за печиво, 100 мл масло и 100 мл јогурт, па испечете кора во плех со величина 30х40 см.

Истото повторете го за втората кора, само додадете 3 лажици какао за да добиете темна кора.

Крем: Од еден литар млеко одземете 200 мл и разматете со 200 г густин и малку екстракт од ванила, а во остатокот од млекото искршете 100 г бело чоколадо и кога ќе започне да врие сварете како за пудинг и оставете да излади.

Путерот пенасто изматете го со 200 г шеќер во прав и соединете го со изладениот крем.

За крем од овошје: Во една шерпа ставете 300 г шеќер и 400 мл вода да врие, па додадете овошје и оставете 4 минути да се вари.

Посебно разматете 3 пудинзи од јагода во 200 мл вода. Пудингот сварете го во готвеното овошје. Оставете да излади.

Редослед: жолта кора – овошен фил – бел крем – црна кора – бел крем и на крај глазура од 400 г чоколадо.