Предвремено родени деца се новороденчиња кои се родени пред 37 гестациска недела. Најчесто за овие деца се мисли зако за новородени кои се со помала родилна тежина и каде целиот проблем е во нивниот третман за постигнување на поголема тежина.
Но, ова не е точно затоа што во основа станува збор за незрелоста на органите и нивните функции и пореметувањата кои се јавуваат поради истото.
Причините кои доведуваат до предвремено породување можат да бидат од страната на мајката и тоа: зголемена телесна тежина, употреба на одредени лекарства, пушење и консумирање на алкохол, висок крвен притисок, инфекции, пореметувања на плацентата, депресија, дијабетес, како и повеќеплодна бременост.
Доколку дојде до предвремено породување најдобро е истото да се одвива во установа која има можност за третирање на овие деца.
Еден ваков случај е забележан во клиниката Жан Митрев:
По еден месец поминат на Одделот за интензивна нега и терапија, малата Теодора замина дома со нејзините родители.
Таа е предвреме родена, во 25-тата гестациска недела од бременоста и тогаш тежела само 800 грама. По два месеци поминати на Клиниката за Гинекологија и акушерство Теодора е префрлена на Одделот за интензивна нега во Zan Mitrev Clinic.
Тешка одвај еден килограм, во тешка состојба, со инфекција и на машина за дишење, Теодора го започна својот престој на Одделот.
Полека следуваше подобрување на состојбата, постепено почна да се се храни и да напредува и по еден месец здрава и тешка 1.700 грама заминува дома со нејзините родители.
Пред неа е долг пат на растење, ама овој мал борец успеа за три месеци да ја добие најтешката битка. И посакуваме среќно детство.
