Фото и рецепт: Снежана Бошкова
Ова е омиленото макало кое може да се послужи самостојно или како прилог со главното јадење.
Потребни состојки:
20-тина зелени пиперки (може неколку лути пиперки, по желба)
10- тина чешниња лук
3-4 црвени домати
*може и 1-2 модри патлиџани
Магдонос по желба
Масло за јадење и сол по вкус
Постапка:
Најпрво измијте ги пиперките, избришете ги и испечете ги убаво од сите страни. Печените пиперки ставајте ги во кеса и оставете ги така да изладат. Потоа излупете ги и извадете им ги семките.
![](https://nmd.mk/wp-content/uploads/2019/06/IMG_8174.jpg)
Исто како пиперките, така и доматите запечете ги на оган.
![](https://nmd.mk/wp-content/uploads/2019/06/IMG_8171.jpg)
Лукчето убаво излупете го, исечкајте го ситно, посолете го и убаво истолчете го. Пиперките исечете ги на помали парчиња, па и нив постепено додавајте ги во лукот и толчете ги.
![](https://nmd.mk/wp-content/uploads/2019/06/IMG_8173.jpg)
Толчете ритмично и еднакво за да спојат вкусовите. Потоа додавајте ги исечените домати, па заедно убаво промешајте. Посолете по вкус.
![](https://nmd.mk/wp-content/uploads/2019/06/IMG_8172.jpg)
На оган ставете малку масло да се загрее. Кога маслото ќе почне да зоврива, попарете го одозгора пинџурот и убаво промешајте. Оставете некоја минута убаво да се впие маслото и да се соединат вкусовите. Послужете со ситно сечкан магдонос.
![](https://nmd.mk/wp-content/uploads/2019/06/IMG_8170.jpg)
Фото и рецепт: Снежана Бошкова
ВАШИ КОМЕНТАРИ:
Коментар на Панче Иванов: “Moze da se koristi kako salata, a moze kako jadenje so domasno sirenje moze da se stavi i modar patlidzan se razbira pecen pindzurot ke dobie na vkus prijatno”
Коментар на Живка Ангеловска:”Tri kgr zelen piper, lut ili blag, dva kgr crven domat i dva ili tri modri patlodzani, zavisi od goleminata, se se pece, malku se cedi vo cedalka se sitni se stava vo sad za tolcenje, kade predhodno e istokcen luk po zelba zaedno so sol i se tolci cela smesa. Se zagreva zejtinot se preleva smesata, ubavo se meša i se ostava da otstoi. Prijatno.”