Посни баклавички со готови кори, суво грозје и чоколадо

Потребни состојки:

500 г готови кори

200 г мелени ореви

200 г суво грозје

200 г чоколадо за готвење

250 г маргарин

за шербет:

1 литар вода

1 кг шеќер

½ лимонова кора по желба

Постапка:

Прво пригответе го шербетот: на оган ставете еден литар вода со еден кг шеќер. Кога ќе проврие исклучете го огнот и оставете го шербетот на страна да излади.

Во подлабок сад ставете по 200 г суво грозје, мелено чоколадо и мелени ореви. Убаво промешајте за да се изедначи смесата.

Издвојте една тенка кора и превиткајте на половина, така што краевите кои се спојуваат да бидат свртени кон вас.

На ој крај наредете оф филот, па свиткајте како ролат и ставете во плех. Кога ќе ги наредите сите ролнички, исечете ги и прелијте ги со растепен 250 г маргарин (убаво распоредете).

Ставете во рерна на печење која претходно сте ја загреале на 220 степени, да се пече 15 минути.

Печените баклавички извадете ги од рерна и додека се врели прелијте ги со изладениот шербет. Оствете ги неколку часови да впијат од сирупот и да изладат. Потоа можете да ги послужете.

Во продолжение погледнете го видеото со деталите од упатството:

Loading...