ПОСНА ПОГАЧА: Без јајца, без млеко, а сепак многу мека и вкусна, одлична за денови на пост

Ова е најмеката посна погача во вид на ружа, со многу едноставна подготовка.

Потребни состојки:

800 г брашно
150 мл газирана вода
100 мл вода
200 мл масло
1 лажица шеќер
2,5 лажички сув квасец
1 лажица шеќер
2 лажички сол

и уште:

Loading...

125 г посен маргарин
1 лажичка крупна сол

Постапка:

Квасецот замесете го со млака вода, шеќер и лажица брашно, па оставете да се активира.

Брашното измешајте го со солта, па додадете го активираниот квасец, млага газирана вода и масло, па замесете мазно, еластично тесто кое не лепи на раце.

Прекријте го тестото со проѕирна фолија и оставете го да стасува додека да се удвои. Потоа развлечете го во правоаголна кора со дебелина од мал прст. Врз кората изрендајте маргарин и свиткајте ја како ролат.

Ролатот исечете го на 7 еднакви делови и наредете ги во намастен плех или калап како на фотографијата.

Оставете го тестото да стасува, па потоа малку засечете го со ножици (на секое парче-ролат направете крст), па премачкајте малку со вода, ставете по некоја коцка маргарин и наросете со крупна сол.

Погачата печете ја во загреана рерна на 180 степени додека да зарумени, а потоа можете да ја превртите за да добиете облик на ружа.

Loading...