Торта со Нутела и јагоди
Оваа елегантна торта со Нутела и јагоди е совршен избор за свечени пригоди или за моментите кога сакате да ги воодушевите вашите најблиски со неодолив спој на кремаста Нутела и свежи јагоди.
Нејзините крцкави кори, богат фил и овошен прелив создаваат вистинска симфонија на вкусови што ќе ги освои сите сетила, пишува НМД. Еве што ви е потребно според рецептот на Бобана Јовановиќ:
ПОТРЕБНИ СОСТОЈКИ:
За корите (за 3 кори, мерките се за една кора):
– 3 белки
– 50 г шеќер
– 50 г мелени печени лешници
– Малку кора од лимон (по желба)
За филот со Нутела и лешници:
– 500 мл млеко
– 9 жолчки
– 150 г шеќер
– 2 лажици густин
– Малку кора од лимон (по желба)
– 250 г путер
– 4 лажици мелен кекс
– 300 г Нутела крем
– 50 г мелени печени лешници
– НМД
За преливот од јагоди:
– 400 г јагоди
– 1 кесичка ванилин шеќер
– 2 кесички пудинг од јагода
– 120 мл вода
За декорација:
– 2 чоколади (200 г)
– Малку масло
– Мелени печени лешници
– Свежи јагоди и боровинки
ПОСТАПКА:
1. Подготовка на корите:
Во сад, изматете ги белките со шеќерот до добивање цврст снег.
Потоа, внимателно додајте ги мелените печени лешници и, по желба, малку рендана кора од лимон. Смесата измешајте ја со шпатула за да се соедини.
Истурете ја во плех обложен со хартија за печење и печете на 200 °C околу 15 минути. Повторете ја постапката за да направите вкупно три кори. Оставете ги да се изладат.
2. Подготовка на филот:
Во тенџере ставете го млекото да зоврие. Во посебен сад, измешајте ги жолчките со шеќерот и, по желба, малку рендана кора од лимон.
Додајте малку од зовриеното млеко во смесата со жолчки, промешајте, па потоа целата смеса вратете ја во тенџерето со млекото. Гответе на тивок оган додека филот се згусне.
Префрлете го во чист сад и оставете го да се излади. Во изладениот фил додајте го путерот и мелените кекси, па измешајте до хомогеност.
Поделете го филот на три дела: во еден дел (1/3) додајте ги мелените печени лешници, а во преостанатите два дела (2/3) додајте ја Нутелата и измешајте.
3. Подготовка на преливот од јагоди:
Исечкајте ги јагодите, ставете ги во тенџере со ванилиниот шеќер и гответе додека да омекнат.
Изблендирајте ги до добивање мазна смеса. Во посебен сад, измешајте го пудингот од јагода со водата, па додајте го во смесата од јагоди. Гответе на тивок оган додека преливот се згусне. Оставете го да се излади.
4. Составување на тортата:
Во калап за торта, ставете една кора, премачкајте ја со половина од Нутела филот, па прелијте со половина од преливот од јагоди.
Поставете втора кора, нанесете го филот со мелени лешници, па прелијте со преостанатиот прелив од јагоди. Завршете со третата кора и премачкајте ја со преостанатиот Нутела фил.
Оставете ја тортата да отстои во фрижидер преку ноќ за да се стегне.
5. Декорација:
Растопете ги чоколадите со малку масло на пареа. Прелијте ја тортата со растопената чоколада, посипете со мелени печени лешници и украсете со свежи јагоди и боровинки.
Оставете ја тортата да се излади и послужете ја. Уживајте во овој неодолив десерт! Постапката можете да ја погледнете во видео прилогот ОВДЕ:
https://www.instagram.com/reel/DJbrHKTMdMm/?utm_source=ig_web_button_share_sheet
