ОВОШЕН КОЛАЧ: Слатко и освежително, може со било кое овошје!

Фотографија и рецепт на Верица Трајкоска. Овој колач се приготвува низ целата година, а се користи овошје по избор (сезонско).

Потребни состојки: 4 јајца, 2 чаши шеќер, 2 ванилин шеќер, 2 чаши јогурт, 1 чаша масло, 3 чаши брашно, 1 чаша гриз, 1 прашок за печиво, 500 г овошје (јас ставив кајсии). Напомена: се користи чаша од 200 мл

Постапка: Јајцата се матат пенасто со шеќерот и ванилин шеќерот. Потоа се додава маслото, па јогуртот и се продожува со матење.

Овошен колач (Фото и рецепт: Верица Трајкоска)

Потоа се додаваат сувите состојки: гриз, прашок за печиво и брашно, па се продолжува со матење на поспора брзина.

Приготвената смеса се излева во намастен и набрашнет плех 22х32 см (доколку сакате потенок колач, одберете поголем плех).

Кајсиите се чистат од семките, се сечат на полумесечинки и се редат одозгора.

Се става на печење во загреана рерна на 220 степени додека да зарумени подеднакво. Печениот колач се остава да излади, па се сече на коцки и се наросува со шеќер во прав.

Фото и рецепт: Верица Трајкоска

Претходна статијаХИТ ТОРТА од лешник, кокос, бисквити – Сите ми го бараат рецептот!
Следна статијаБРЗА СЛАДОЛЕД ТОРТА КОЈА НЕ СЕ ПЕЧЕ