КРАЛСКИ ЦВЕТ: Гладиолите се знак за среќа, љубов и победа, а се верува дека штитат од повреди

Повеќето видови цвеќиња се садат во рана пролет. Сепак, постојат видови кои не се доцна за садење во текот на мај. Најпознати се секако гладиолите. Далијата, исто така може да се сади во мај, а цвета од јули па се до зимата.

Гладиола (Gladiolus) е род на повеќегодишни растенија со грутчеста луковица од фамилијата на перуники. Гладиолите потекнуваат од тропските и суптропските региони на Африка, Средоземно Море, Средна Европа и Азија, вклучително и западен Сибир.

Кралскиот цвет симболизира сила, победа и гордост. Гладиолите се сметале како знак за среќа и заштита на глади-јаторите, па затоа тие ги носеле околу вратот секојпат кога оделе во бор-ба. Во Средниот век гладиолите ги носеле како амајлија, и робовите и оние без посед, бидејќи се верувало дека ќе ги заштити од повреди и не-среќи.

Постои верување кое потекнува уште многу одамна, дека цветот на гладиолата всушност некогаш бил вљубен пар кој после долгогодишно па-тење, конечно ја пронашол својата среќа и започнал нов живот. Викторијанските романтичари верувале дека цветовите на гладиолата се способни да про-би-јат нечие срце со својата убавина, предизвикувајќи вљубеност.

На Медитеранот гладиолата е богатство на голем број домови и градини. Се верува дека помага во сочувување на позитивната енергија и подобрување на хармонијата и мирот во домот. Во Јужна Африка гладиолата е главно симбол на храброст. Се верува дека им помага на луѓето кои мора да се соочат со разни околности во својот живот, како што е промена на животен стил или започнување на нов живот.

Гладиолата е цвет на родените во август. Тоа е исто така, цвет на 40.годишнината од брак, бидејќи симболизира вљубеност и сеќавање.

Растенијата се повеќегодишни, со грутчеста луковица. Таа е овална, се обновува секоја година и носи тенки лушпи со бело до црно-вишново обојување. Стеблото не се разгранува, единечно е, залистено и достигнува 50–150 цм височина. Листовите се тенки, прави или мечовидни, 50–80 цм во должина, со сино-зелена боја. Лисната основа го обвива стеблото, со што дополнително му дава цврстина.

Цветовите се собрани во еднострани, двострани или спирални класовидни соцветија, кревки, средно густи или густи. Листовите мора да се остават да изумрат по природен пат пред грутчестите луковици да се откопаат и складираат.

Гладиолата се сади на длабочина од десет сантиметри, со растојание помеѓу нив исто 10 цм. „Цветовите на гладиолата се отвораат во јули, тие треба редовно да се наводнуваат, а за време на цветањето, треба да се додава течно ѓубриво двапати месечно,“ велат експертите.

Патем, добра исцедена или песочна почва најдобро одговара на овие цвеќиња. Гладиолата сака сонце, а самото садење е многу слично на другите цвеќиња. Сепак, нејзиниот корен треба да биде засаден малку подлабоко од другите видови цвеќиња, бидејќи има бујни лисја.

„Ако ги засадите на длабочина од 10 до 20 цм, ќе бидат заштитени од силниот ветар кој може да го скрши стеблото. Гладиолусот е растение кое фантастично цвета во текот на жешкото лето. Цветовите од гладиолата изгледаат како големи светилки. Тие имаат кафеава влакнеста обвивка.

Гладиолусот е цвеќе кое претпочита добро исцедена, па дури и песочна почва. Покрај тоа, тие претпочитаат сончеви места. Садењето е слично на садење други луковици.  Засадувањето на гладиолусот се одвива во само неколку едноставни чекори: Прво, ископајте дупка длабока околу 20 цм. Најдобро е интервалот помеѓу гладиолите да биде 10 – 20 цм.

Ставете ја препорачаната количина ѓубриво на дното, но задолжително измешајте ја со почвата. Додајте еден слој почва без ѓубриво пред да ги ставите гладиолите. Од моментот кога ќе засадите гладиоли, следните засадете ги во текот на наредните недели.

На гладиолите им се потребни 70 – 100 дена за да почнат да цветаат, а интервалите на различно садење ќе овозможат да имате нови гладиоли во текот на целото лето. Ако гладиолите се изложени на ветар, најдобро би било да ги зацврстите со трака. Не ги садете во текот на јули, најдобро е во средината на мај да се засадат.

За време на сезоната на цветање, редовно наоднувајте ги гладиолите и одржувајте ја влажна околната почва. Нега на гладиолите во текот на зимата. Искорнете ги гладиолите и истресете ја земјата.

Оставете ги да се сушат на собна температура околу 1 седмица. Потоа чувајте ги на суво, темно и ладно место каде што нема влага за да не предизвика мувла. Гладиолите се прекрасен додаток на секоја градина. Ако знаете како да ги одгледувате и соодветно да се грижите за нив, овие прекрасни цвеќиња ќе растат добро и во вашата градина.

Засадување на гладиоли во саксии е добра идеја во случај да немате доволно простор во градината. Потребно е само да се обезбеди соодветна дренажа и услови за растението.

Одгледувањето пониски сорти во саксии работи одлично затоа што се пократки и ќе имаат помали шанси да се скршат, за разлика од сортите кои растат. Доколку се одлучите за поголема разновидност, ќе треба поголема грижа за нив.

Саксијата за одгледување гладиоли треба да биде длабока најмалку 30 цм со ист дијаметар. Длабочината на садот мора да биде таква што може да има доволно количество почва со добар квалитет. Под гладиолата треба да има слој на земја дебел околу 5 цм.

Засадете ги гладиолите на длабочина од 7,5 – 15 цм и на растојание од 5 – 7,5 цм помеѓу секоја. Бројни градинари на гладиолижи садат во интервали од 2-3 недели. Наводнувајте ги гладиолите периодично. Подобро е да ги натопувате еднаш неделно. Стеблата ќе почне да се појавува  по првото наводнување.

Лисјата на гладиолите не треба да се сечат бидејќи обезбедуваат храна за самото растение, освен изгниените. Ако сакате да продолжите да растете гладиоли и следната година редовно наводнувајте ги.

Лисјата ќе почнат да пожолтуваат и ќе станат кафеави и на крајот ќе се исушат. Кога ќе се случи ова, испразнете го садот. Тргнете ја земјата од нив и исушете ги, а потоа се до пролетта чувајте ги на темно и суво место без влага. Некои луѓе ги чуваат гладиолите во стари хулахопки. На тој начин, тие ќе бидат подготвени за садење следната година. / Текстот за НМД.мк го напиша Мартина Христовска

Loading...
Претходна статијаПрироден лек против опаѓање на коса после прележан вирус – резултатите се забележуваат по 1 седмица
Следна статијаОва мора да го направите: мека како пена, пројата со млад кромид и сирење ме воодушеви