Овој колач со ореви и гриз има многу богат вкус и многу е сочен

Овој сочен колач има неверојатно богат вкус. Покрај мелени ореви можете да додадете и мелени бадеми или лешници.

Потребни состојки:

4 јајца
1 шолја (од 200 мл) шеќер
1 шолја масло
1 шолја млеко
1 шолја мелени ореви
1 шолја брашно
1 прашок за печиво
250 г гриз

за сируп:

3 шолји шеќер
2 шолји вода

за крем:

Loading...

2 шлаг креми од ванила
малку мелени ореви

постапка:

Прво изматете четири јајца со постепено додавање на една шолја шеќер додека тој да се растопи. Потоа додадете една шолја масло, па смесата полека промешајте ја.

Додадете една шолја млеко, а потоа и мелени ореви. Промешајте. Во брашното додадете прашок за печиво, а потоа и 250 г гриз.

Вака промешаното брашно додадете го полека во смесата и сето убаво промешајте го додека да добиете изедначена смеса.

Излејте ја во намастена и набрашнета тепсија или плех со средна величина, па ставете да се пече во загреана рерна на 250 степени и веднаш намалете на 200 степени и печете 30 минути.

За сируп: Во две шолји вода ставете шеќер и варете додека да се растопи шеќерот. Кога колачот ќе се испече прелијте го со сирупот (топло-топло, не премногу врело). Оставете да излади.

Изматете го шлагот според упатството на кесичката и нанесете го врз изладениот колач, а одозгора наросете мелени ореви. Оставете го колачот во фрижидер да излади.

Coolinarika.com

Loading...