Оревовача – рецепт за ликер од ореви кој лекува штитна жлезда, желудник и уште многу болести

Оревовачата уште е позната и под називите ораховач или ликер од ореви. Но, како и да го нарекувате овој напиток се прави од млади зелени ореви, а покрај тоа што на многумина им е омилен ликер, оревовачата многу позитивно делува и врз здравјето, затоа што младите ореви содржат многу лековити супстанции од кои најзначајната е јодот.

Постојат неколку рецепти за приготвување на оревовача, но основниот рецепт ги подразбира следните состојки:

1-2 литри домашна комова ракија
1 кг кристал шеќер
40 млади зелени ореви, по можност да бидат помали.

На нашата страница НМД.мк можете да пронајдете и рецепт како се приготвува мед со зелени ореви. По желба можете да додадете и зачини како што се цимет, ванила, каранфилче или лимон.

Овој рецепт за домашна оревовача е многу едноставен. Оревите измијте ги и избоцкајте ги со чепкалка, игла или виљушка на неколку места, а можете и да ги исечете на помали парчиња.

Ставете ги во поголема стаклена тегла, па преку нив истресете го шеќерот. Теглата не ја затворајте херметички, туку покријте ја со двојна, стерилна газа. Теглата оставете ја да отстои на сонце 4 седмици (28 дена), со повремено протресување за да се растопи шеќерот.

После четири седмици додадете домашна ракија, па дури тогаш херметички затворете ја теглата и оставете уште малку да отстои на топло или сонце, но не на директно сонце (оптимално време е 40 дена). Кога оревите и шеќерот ќе се измешаат со ракијата, тогаш можете да ги додадете зачините по желба.

Ако сакате да додадете лимон, тогаш додадете го 10-тина денови пред да истече рокот од 40 дена, колку што е препорачано оревовачата да отстои пред процедувањето. После 40 дена процедете го ликерот во стаклени шишиња или едноставно извадете ги оревите. Се чува на ладно и темно место.

Иако можеби така не делува, сепак оревовачата е многу силен алкохолен напиток и ова е само основната мерка за рецептот за оревовача. Постојат и многу други рецепти според кои се додава уште ракија по вкус.

Дополнителен совет: Домашната оревовача е најдобро да се прави пред крајот на мај и почетокот на јуни, бидејќи тогаш се наоѓаат најубавите плодови од млад орев.

При приготвување на оревовачата најдобро е да се носат заштитни ракавици за да не дојде до обојување на кожата.

ОРЕВОВАЧА ЗА ШТИТНА ЖЛЕЗДА

Како што веќе знаете, штитната жлезда е една од најважните ендокрини жлезди во организмот, која управува со бројни витални процеси. Штитната жлезда е регулатор на телесната температура, ја регулира работата на срцето, како и нервниот систем.

Нејзината правилна работа влијае врз целокупното здравје и изгледот на косата и кожата. За оние кои имаат проблем со правилното функционирање на штитната жлезда, се користи токму ликер од ореви како лек за штитна жлезда. Тоа е затоа што младите ореви се многу богат природен извор на јоф, кој е многу важен за правилната работа на штитната жлезда.

-За правилна работа на штитната жлезда доволно е секое утро на празен стомак да испиете по една ракиена чашка домашен ликер од оревовача.

ОРЕРОВАЧА ЗА ЖЕЛУДНИК

Кога станува збор за домашниот ликер од ореви, веќе споменавме дека се смета за универзален природен лек за желудник. Најчестите симптоми за желудечни заболувања се болки во стомакот, подуеност, мачнина и повраќање.

Современата медицина овие тегоби ги лекува со разни антибиотици кои некогаш не делуваат, па затоа луѓето се повеќе спасот го бараат во алтернативната медицина и се презадоволни со резултатите.

Домашната оревовача е еден од природните лекови за желудник кој несомнено ги ублажува споменатите тегоби. Ликерот од ореви несомнено се користи кај третмани со желудечни инфекции предизвикани од бактерии како што е хелико бактеријата.

Делотворен е бидејќи директно ги напаѓа бактериите и позитивно делува врз цревната флора, го јакне стомакот, го олеснува варењето на храната, спречува појава на ждригавица и подуеност.

Напомена: Иако оревовачата е лековита, треба да се има во предвид дека таа спаѓа во силните алкохолни пијалаци. Најважно е да не се претерува со консумирањето.

Препорачана доза е мах 2 ракиени чашки дневно. Доколку имате сериозни здравствени проблеми задолжително консултирајте се со вашиот лекар пред да се одлучите да консумирате оревовача во лековити цели.

Ова особено се однесува на оние кои веќе користат некоја терапија. Ликерот од ореви е строго забранет за бремени и доилки.

Претходна статијаСлатко од јагоди за 30 минути, рецепт со точни мерки и детално упатство за почетници – без конзерванси
Следна статијаПред 30 години имала тироидни проблеми, холестерол и хормонален дисбаланс, а спасот бил ОМНИ