Овој вкусен напиток содржи голем број состојки кои ја стимулираат работата на тироидната жлезда, а истовремено е вистинска ризници од витамини, минерали и антиоксиданти.

Рецептот го сподели сертифицирана холистичка нутритивна терапевтка Сијада Киран Захра Хусеин, а се состои од:

Потребни состојки: 7 чаши изворска или минерална вода, 1 чаша 100 % сок од брусница, ¼ лажичка сув ѓумбир во прав, ½ лажичка цејлонски цимет, ¼ лажичка мускатно оревче, ¾ чаша свежо исцеден сок од портокал, ¼ чаша свежо исцеден сок од лимон

Постапка: загрејте ја водата на оган и пред да зоврие додајте сок од брусница, потоа додајте ги зачините и оставете го да се крчка на најниска температура 20 минути. Кога ќе се олади на собна температура додајте сок од портокал и лимон. Количината е планирана за еден ден.

Тајната на лековитите својства на напитокот за тироидна жлезда

Брусниците се одличен извор на јод кој е неопходен за здравјето на тироидната жлезда, а овие бобинки содржат дури 400 mcg и се едни од најдобрите природни извори на јод. Соодветниот внес на јод помага во детоксикација на организмот, го регулира метаболизмот, растот и развојот.

Ѓумбирот во моментов е многу популарен лековит зачин и со добра причина затоа што навистина делува. Ова вклучува корисен ефект врз тироидната жлезда. Содржи магнезиум, за кој се покажа дека е критичен во контролата на болести на тироидната жлезда. Покрај тоа, има антиинфламаторно дејство, кое помага да се спречат воспалителните процеси поврзани со хипотироидизам.

Циметот е мулти-корисен лек за тироидната жлезда. Содржи екстракт кој игра суштинска антиинфламаторна улога во поттикнување на изразување на нивото на mRNA во области на проинфламаторни цитокини.

Лаички кажано, медицинската примена на циметот може да има голема улога во терапијата на забавена функција на тироидната жлезда. Покрај тоа, циметот има антиинфламаторно дејство и ја намалува отпорноста на инсулин, што е тесно поврзано со појавата на Грејвсовата болест.

Мускатното оревче е природен подобрувач на расположението и се-датив, и го стимулира метаболизмот.

Сокот од портокал е богат извор на витамин Ц кој е неопходен за многу процеси во организмот. Содржи идеален однос на фруктоза и гликоза и минерали магнезиум и калиум. Позитивно влијае на тироидната жлезда и ја зголемува глукуронската киселина, која ги врзува и ги елиминира ток-сините од телото и помага во правилното функционирање на хормоните.

Сокот од лимон има вреден хранлив состав и исклучителни лековити својства за низа болести, помага во деток.сикација и го зајакнува имунитетот.

Хипотироидизам се јавува кога тироидната жлезда не произведува доволно хормони. Оваа болест ги погодува двата пола, но најчесто жените над педесет години. Тироидната жлезда го регулира метаболизмот, а ниските нивоа на хормони го забавуваат организмот и истовремено бројни процеси, од метаболизам до телесна температура. Ако не се лекува, може да доведе до сериозни здравствени проблеми.

Ако имате бавна тироидна жлезда, пијте го овој напиток секој ден, советува терапевтката. Исто така, јадете храна богата со Б комплекс и железо и морски зеленчук како што се келп и нори алги. Зголемете го внесот на храна богата со витамин А, како што се сладок компир, морков или тиква.

Општо правило е да се јаде здрава и органска храна богата со антиоксиданти.

Избегнувајте храна што може да пречи во работата на тироидната жлезда – брокула, зелка, карфиол, кељ, спанаќ, цвекло, соја, кикирики, сенф.