Наполитанка торта за 20 минути! Брзо и едноставно!

Ова е навистина фантастична кремаста торта која пред се многу брзо се приготвува, а вкусот е мммммм….

Потребни состојки:

8 белки
8 лажици шеќер
10 лажици мелени ореви
2 лажици брашно

Фил:

8 жолчки
8 лажици шеќер
4 пудинг од ванила
1,3 литар млеко
250 г путер
250 г шеќер во прав
300 г наполитанки од лешник
150 г чоколадо
За декорација: 2-3 шлага или слатка павлака

Постапка:

Изматете ги белките со шеќер, па додадете ореви и брашно, лесно измешајте со лажица, па смесата рамномерно распоредете ја во намастен и набрашнет плех 30х28 см (може и помала димензија). Печете на 180 степени.

За фил: изматете 8 жолчки со 8 лажици шеќер. Во оваа смеса додадете 4 пудинзи од ванила, промешајте со миксер за да се соедини и да нема грутчиња, па сварете ја во 1,300 мл млеко.

Оставете го филот да излади. Посебно изматете 250 г путер со 250 г шеќер во прав. Смесата од пудинг и жолчки соединете ја со путерот.

Добиениот крем поделете го на два дела. Во првиот дел додадете 300 г рендани или кршени наполитанки од лешник (претходно замрзнете ги, а потоа полесно се рендаат).

Во вториот дел се додаваат 150 г растопено чоколадо.

Филување: кора – прв фил – втор фил – изматен шлаг.

Loading...