Најубавата МИЛКА ТОРТА

Состојки за една кора (потребни се 4 кори):

6 белки

6 лажици шеќер

100 г мелени ореви

Loading...

1 лажица брашно

ФИЛ 1:

12 жолчки

200 г шеќер

3 лажици брашно

3 кесички пудинг од ванила

1 литар млеко

400 г Noisette милка чоколадо

250 г путер/ маргарин

ФИЛ 2:

12 жолчки

200 г шеќер

3 лажици брашно

3 пудинзи од ванила

1 литар млеко

400 г бела милка

250 г путер/маргарин

И уште:

750 г крем шлаг

750 мл вода

Постапка:

За кора: загрејте ја рерната на 200 степени. Подгответе тавче 40х33 см (големиот плех од рерната) и ставете хартија за печење.

Во една чинија измешајте мелени ореви и брашно. Белките и шеќерот изматете ги во цврст снег.

Оставете го миксерот на страна и додадете ореви и брашно. Измашјте рачно.

Смесата истурете ја во плех и печете на 200 степени 15 минути. Не ги мијте перките од миксерот. 

Жолчките од првата и втората кора ставете ги во една чинија, поклопете и ставете во фрижидер. Истото направете го со жолчките и од третата и четвртата кора.

На истиот начин пригответе уште три кори. И кога ќе завршите со приготвувањето на четвртата кора, не мора да ги миете перките туку искористете ги за приготвување на филит.

За ФИЛ1: жолчките со шеќерот изматете ги пенесто, додадете брашно и пудинг и малку по малку млеко (околу 300 мл) да се добие смеса без грутчиња.

Остатокот од млекото ставете го во шерпа со 100 г шеќер. Кога млекото ќе проврие, сварете го филот со намалена температура и постојано мешање додека да згусне.

Во врелиот фил додадете ја Noisette милка чоколадата искршена на коцки и мешајте додека да се растопи. Оставете филот добро да излади.

За ФИЛ2: жолчките со шеќерот изматете ги пенесто, додадете брашно и пудинг и малку по малку млеко (околу 300 мл) да се добие смеса без грутчиња.

Остатокот од млекото ставете го во шерпа со 100 г шеќер. Кога млекото ќе проврие, сварете го филот со намалена температура и постојано мешање додека да згусне.

Во врелиот фил додадете ја белата милка чоколада искршена на коцки и мешајте додека да се растопи. Оставете филот добро да излади.

После вториот фил измијте ги перките од миксерот.

Кога двата фила добро ќе изладат изматете крем шлаг со вода и оставете на страна. Не ги мијте перките, туку продолжете со матење на путерот.

Пригответе два сада и во секој ставете по 250 г путер/маргарин. Пенасто изматете. Во првиот сад додадете го филот со бела милка и добро соединете. Го добивте филот 2.

Истото направете го и со кафеавиот фил 1.

Начин на филување:

Кора – фил 1 – фил 2 – шлаг

Кора – фил 1 – фил 2 – шлаг

Кора – фил 1 – фил 2 – шлаг

Кора – шлаг

Loading...