Може да биде опасно: Еве како да постапите ако ви тече крв од носот

Причините за оваа појава можат да бидат многубројни: фрактура, зголемен крвен притисок, болест на срцето, анемија, заразна болест или преголем физички напор.

Крвавењето од нос најчесто се јавува кај деца или постари лица, а посебно во текот на вирусните епидемии, при крајот на зимата и почетокот на пролетта, кога доаѓа по витамински дефицит во организмот. Крвавењето доаѓа ненадејно, често навечер, во текот на спиењето.

Слузокожата на носот е богата со капилари, посебно во предниот дел од носната преграда, каде најчесто доаѓа до крвавење.

Изгледот и општата состојба на пациентот зависат од интензитетот на крвавењето. Доколку тоа е потешко, се воочува бледило на кожата, забрзан пулс а понекогаш доаѓа и до колапс.

Неопходно е најпрво да се смири болниот. Неговата глава мора да биде навалена напред, а со палецот и показалецот да се стисне носот во траење од 2-3 минути. На вратот е потребно да се стави ладна облога.

Ако крвавењето не престанува, болниот мора да се одведе на лекар, каде ќе му биде запрено крвавњето а на пациентот ќе биде извршено дијагностицирање и откривање на причината која довела до оваа појава.

Loading...