Многу вкусен солен ролат, со кора мека како памук – декоративен, погоден за родендени и слави

Овој ролат секогаш го приготвувам за гости, вкусен е како мезе, но и многу декоративен.

Потребни состојки:

4 јајца
4 лажици брашно
1 прашок за печиво
2 лажици кисела павлака
1 прстофат сол

Фил:

200 г фета сирење
100 мл милерам или кисела павлака
180 г шунка

Постапка:

Loading...

Белките одвојте ги од жолчките и со прстофат сол изматете цврст снег. Посебно изматете ги жолчките со павлаката, додавајќи една по една жолчка. Со лажица додадете го снегот од белки и полека промешајте за остане смесата пенлива.

На крај додадете ја мешавината од прашок за печиво и брашно, па промешајте да се соединат.

На плех од рерна обложен со хартија, разлејте ја рамномерно приготвената смеса и печете во загреана рерна на 200 степени околу 20 минути.

Печената кора свиткајте ја во влажна крпа и оставете да излади (заедно со хартијата, па подоцна ќе ја извадете хартијата).

Посебно изматете фета сирење и милерам, па додадете сечкана шунка и промешајте.

Кората премачкајте ја со филот, па повторно свиткајте ја во ролат, во крпа и оставете во фрижидер да се стегне.

Непосредно пред служење исечете на парчиња и послужете. Доколку немате време за приготвување на кора, истиот фил можете да го искористите за премачкување на кора од обланда претходно малку омекната во влажна крпа.

Loading...