Фото и рецепт: Гордана Марковиќ
Потребни состојки:
250 г мелени бисквити
150 г шеќер во прав
100 г путер или маргарин
2 лажици какао
малку арома од рум
100-150 мл некој сок, било кој
за глазура:
100 г чоколадо
2 лажици масло
Постапка:
Сите состојки ставете ги во еден подлабок сад и измешајте ги додека да се соединат во хомогена смеса. Сокот се става последен и постепено се додава додека се меша. Треба да се добие убава хомогена смеса која не се лепи на раце.
Добиената смеса оставете ја во фрижидер најмалку половина час да се стегне убаво. Потоа од неа вадете и формирајте топчиња. Најубаво е да ги мерите на кујнска вага за да ви бидат исти.
Топчињата треба да тежат приближно 20 грама. Со раката врз работната површина формирајте мали конусни капи. Растопете 100 г чоколадо, додадете 2 лажици масло, добро промешајте и натопувајте ги врвовите во глазурата. Украсете со готови цветчиња кои можете да ги купите во поголемите маркети.
Од истата смеса можете да правите и обични бомбици и да ги валкате во мелени бисквити, кокос, чоколадни трошки, мелени ореви или било што по ваш вкус, а можете да ги оставите и така, превкусни се.
Мињони (Фото и рецепт: Гордана Марковиќ)
