Македонски колач: додека го печете цела куќа мириса, а за вкусот и да не зборувам…

Мајка ми одамна го прави за посна слава, но јас го правам и во обични денови зошто е многу сочен, мирисен и ароматичен. Дома сите го сакаме.

Потребни состојки:

5 шолји газирана вода
5 шолји брашно
3 шолји масло
3 шолји пченичен гриз
1 лажичка цимет
100 г сечкано суво грозје
100 г сечкани ореви
1 прашок за печиво

За шербет:

250 г шеќер
1 ванилин шеќер
250 мл вода

За наросување:

Loading...

50 г сечкани ореви (не мора, но убаво изгледа)

(1 шолја = 150 мл)

Постапка:

Просејте 5 шолји брашно со еден прашок за печиво и една лажичка цимет. Додадете три шолји гриз, 100 г крупно сечкано суво грозје и 100 г крупно сечкани ореви.

Сето измешајте во поголема вангла. Во средината направете вдлабнатинка па во неа излејте 5 шолји кисела вода и 3 шолји масло.

Убаво измешајте за да се соединат состојките. Можете да користите миксер, а може и едноставно со жица за матење.

Рерната загрејте ја на 180 степени. Плехот 25х35 см обложете го со хартија за печење и излејте ја смесата.

Тестото одозгора по желба наросете ја со 50 г сечкани ореви. Печете 35-40 минути.

Проверете со чепкалка дали е печено, извадете го плехот и колачот оставете го во него да се лади.

Во меѓувреме направете го шербетот: сварете 250 г шеќер, 1 ванилин шеќер и 250 мл вода околу 3-4 минути, па со врелиот сируп прелијте го изладениот колач. Потоа оставете го на собна температура додека да го впие целиот сируп.

Сечете на коцки, коцкички, штангли, тријаголници, а може и директно од плех… : – )

Loading...