КРЦКАВИ КОМПИРИ во ароматична маринада…Прсти да излижеш!
Подгответе се за едноставен, а неверојатно вкусен рецепт што ќе ги освои вашите сетила!
Овие маринирани пржени кромпири се крцкави однадвор, меки однатре и преполни со ароми што ќе ве натераат да посегнете по уште една порција, пишува НМД.
Совршени за ручек, вечера или како прилог на вашето омилено јадење! Еве што ви е потребно:
Потребни состојки:
За кромпирите:
– 4 средно големи кромпири
– 100 г брашно
– 1 лажичка слатка мелена пиперка
– сол и црн пипер по вкус
– 50–70 мл вода
– масло
– НМД
За маринадата:
– 3 чешниња лук
– 1 лажица ситно сечкан магдонос
– 40 мл растопен маргарин/путер или маслиново масло
Постапка:
– Излупете ги кромпирите и исечете ги на посакуван облик – кругови, стапчиња или фелки. Ставете ги во сад со ладна вода за да не потемнат додека ги подготвувате.
Во тенџере ставете вода да зоврие, па додајте ги кромпирите и варете ги 5 минути (да омекнат малку, но не целосно). Исцедете ги и оставете ги настрана да се изладат.
– Во длабок сад измешајте го брашното, мелената пиперка, солта и црниот пипер. Постепено додавајте вода (50–70 мл) и мешајте додека да добиете густа смеса, слична на тесто за палачинки.
– Во смесата додајте ги оладените кромпири и добро измешајте за да се обложат рамномерно од сите страни.
– Во длабока тава или тенџере загрејте растително масло на средно висока температура. Пржете ги кромпирите (не сите одеднаш) додека да добијат златно-кафеава боја и крцкава текстура од сите страни.
Извадете ги на кујнска хартија за да се впие вишокот масло.
– Во мало тенџере стопете го путерот/маргаринот на тивок оган. Додајте ситно сечкан лук и магдонос, па пропржете кратко (околу 1 минута) додека да замириса убаво.
– Прелијте ја топлата маринада врз пржените кромпири и нежно промешајте за да се соединат вкусовите.
Послужете ги кромпирите топли, како самостојно јадење или како прилог на вашето омилено месо или салата. Уживајте во секој залак од ова крцкаво задоволство!
За уште поинтензивен вкус, можете да додадете малку рендан пармезан (ако не постите) или неколку капки сок од лимон врз готовите кромпири. Добар апетит!
Деталите од постапката можете да ги погледнете во видеото ОВДЕ:
