Лековитиот крем од банана е одлично средство против кашлица чија ефикасност е проверена и во лекувањето на упорна кашлица и бронхитис.
Особено е делотворен кај децата, но и кај возрасните. Вкусен, здрав и многу хранлив, овој крем поволно делува и врз желудникот.
Ако вашето дете го мачи болно грло и кашлица, пробајте го овој чудесен крем.
Потребни состојки:
2 средно зрели банани, со точки на кората
2 лажици шеќер или мед, со тоа што ако користите мед, тој се додава кога смесата малку ќе подизлади.
400 мл врела вода
Постапка:
Бананите излупете ги. Добро изгмечете ги со виљушка, додадете шеќер и добро промешајте. Прелијте со врела вода, промешајте и поклопете. Оставете да отстои 30 минути.
Ако користите мед, додадете го на крај, кога смесата ќе биде изладена.
По половина час смесата процедете ја, но и не морате.
Пред консумирање секогаш малку загрејте. Се пие 4 пати дневно по 100 мл.
Секој ден треба да се приготви нова доза.
За неколку дена кашлицата ќе исчезне.
