Фантазија од колач за 10 минути: ЛЕДЕН ВЕНЕЦ

Потребни состојки:

800 мл млеко

7 лажици шеќер

3 пудинзи со вкус на ванила

1 лажица густин

400 мл слатка павлака за шлаг

½ кесичка желатин и 2 лажици вода

150 г чоколадо за готвење

100 г бело чоколадо

150 г бисквити по избор

100 г мелени ореви

100 мл слатка павлака за шлаг (за украсување)

Постапка:

Оревите малку потпечете ги во сува тава, изладете ги и сомелете ги, а еден дел ситно исчекајте ги.

Бисквитите издробете ги, па помешајте ги со оревите (одберете вкусни бисквити).

Желатинот прелијте го со вода и оставете да набубри.

Во 200 мл ладно млеко ставете го пудингот и густинот па добро промешајте. Остатокот од млекото со шеќерот ставете го на оган да зоврие, па додадете го пудингот и мешајте додека да згусне. Оставете да излади со повремено промешување за да не фати коричка или покријте со проѕирна фолија.

Изматете ја слатката павлака во шлаг, додадете го желатинот па соединете со изматениот пудинг.

Смесата поделете ја на два дела: во едниот додадете растопено темно чоколадо, а во другиот дел бело чоколадо.

Во калап за куглоф обложен со проѕирна фолија истурете половина од темната смеса, наросете трошки (ореви и бисквити), па истурете половина од белата смеса, наросете трошки и повторете ја постапката со преостанатиот дел.

Со лажица измешајте во круг започнувајќи од средината, па вртејќи по малку од смесата од дното кон горе и се така во круг за да се добијат неправилни шари.

Одозгора наросете со трошки, прекријте со фолија и оставете на ладно добро да се стегне, најдобро преку ноќ.

Украсете со изматена 100 мл слатка павлака.

Претходна статијаНекој ги прави со млеко во прав, ама јас ги правам на наједноставен начин: Рафаело топчиња
Следна статијаТОРТА ЧИСТА СЕНЗАЦИЈА: а ќе видите и зошто!