Домашни лепињи кои се приготвуваат со 3 состојки за 10 минути, подобри се од пекарница

Уште би сакала да имав од оној црниот сусам или чиа семе за да им наросам одозгора. Многу се вкусни и многу едноставни за правење.

Потребни состојки:

600 г брашно
450 мл вода
1 голема рамна лажица сув квасец
Сол по вкус

Постапка:

Од овие состојки се замесува меко тесто, па се остава да одмори покриено и на топло место, околу 30 минути.

Потоа, кога ќе отстои, премесете го со малку брашно и сечете го на приближно еднакви парчиња од кои ќе формирате топчиња.

Од секое топче со помош на оклагија правете мали тркалезни кори со дебелина од 1 см или потенки, но не премногу.

Повторно оставете ги околу 30 минути и потоа со помош на тапата страна од ножот правете шари односно мрежички (како шах) на лепињите.

Мрежичките правете ги непосредно пред печење.

Изматете една белка, па со неа премачкајте ги лепињите пред печење (кој не сака белка, може и со обично млеко).

Загрејте ја рерната на највисока температура заедно со плехот во кој ќе се печат лепињите, па потоа редете ги лепчињата онолку колку што собира.

Кога ќе ги ставам лепињите, јас го вклучувам вентилаторот со што се зголемува температурата и побрзо се печат, но затоа мора да се внимава да не прегорат. Може да се печат и без вентилатор.

Не ви е потребно да го намастувате плехот, ниту да користите хартија за печење. Испечените лепињи завиткајте ги во памучна крпа.

Coolinarika.com

Претходна статијаДенешниот ручек додека трепнеш беше готов – крцкави тиквички од рерна
Следна статијаБАВАРСКИ КИФЛИ: Тестото е толку добро за работа, од него можете да правите разни форми