Потребни состојки:
6 јајца
6 лажици шеќер
6 лажици брашно
2 лажици какао
1 прашок за печиво
6 лажици топла вода
За фил:
500 мл слатка павлака
1 кесичка желатин
4 лажици ладна вода
За чоколаден прелив:
200 г чоколадо
2 лажици масло
50 г путер/маргарин
50 мл вода
За глазура:
100 г чоколадо
50 г путер/маргарин
2 лажици масло
Постапка:
Изматете 3 белки со 3 лажици шеќер, потоа додадете жолчки и соединете, па додадете ги сувите состојки, 3 лажици брашно, 1 лажица какао, 1/2 кесичка прашок за печиво и 3 лажици топла вода.
Промешајте со лажица и излејте ја смесата во плех обложен со хартија и печете на 200 степени околу 10-15 минути. На истиот начин направете уште една кора.
Желатинот прелијте го со 4 лажици ладна вода и оставете 10 минути да набубри. За тоа време изматете ја слатката павлака. На тивок оган растопете желатин, па додадете во изматената слатка павлака и матете додека да се соедини.
Во еден сад растопете чоколадо за прелив, со масло, путер и вода, па изладете.
Кората премачкајте ја со половина од изматената слатка павлака, потоа нанесете прелив, ставете 10-тина минути во фрижидер, па нанесете го и вториот дел од филот.
Ставете ја втората кора и на крај глазурата.
Оставете да се стегне, па сечете по желба.
