Домашните пишии се одлични за појадок, ужинка или оброк за носење на работа. Па, да го пробаме и ние едноставниов рецепт. Ништо комплицирано, се меси тесто, се сука, пржи и на крај се ужива во прекрасниот вкус.

Потребни состојки:

300 мл кисело млеко

600 г брашно

1/2 супена лажица сода бикарбона

1/2 супена лажица сол

1 пакетче прашок за пециво

Постапка:

Во подлабок сад се става брашно,потоа се додава кисело млеко,сода бикарбона,сол и прашок за пециво.

Се замесува меко и мазно тесто. Тестото се расукува во поголема кора со дебелина од 1 сантиметар.

Расуканата кора се сече по должина на ленти,а потоа и попреку накосо за да се добијат форми на баклава.

Добиените баклавчиња се пржат во загреано масло,а потоа се редат на кујнска хартија за да се исцеди вишокот маснотија од нив.

Пишиите се послужуваат со сирење и со чаша јогурт или пак со кисело млеко.