БРЗ СОЧЕН КОЛАЧ: ретко правам вакви „измати и испечи, за 30 минути готов“ – ама овој е нешто посебно!

Ретко ги правам ваквите „измати и испечи“ колачи и кога правам тоа мора да биде некој сочен колач, мора да има некој прелив – залив, нешто…

Овој колач е навистина нешто супер за кога „ќе ви падне шеќерот“ зошто за половина час е готов и можете да си штипкате и кинете од него уште додека е топол…

Потребни состојки:

3 јајца

1 шолја јогурт (шолја = 250 мл)

1 шолја шеќер

2 шолји брашно

150 мл масло

2-3 полни лажици какао

100 г суво грозје

3 лажици џем

50 г блендирани ореви, да не се целосно сомелени, туку како сечкани

½ прашок за печиво (5 г)

За прелив:

200 г чоколадо по избор

5 лажици масло

100 мл млеко

Постапка:

Брзо се прави затоа што прво ја вклучувате рерната да се загрее на 220 степени. Во еден сад ставете ги јајцата, шеќерот, маслото и јогуртот, па добро изматете со жица, миксер не ви е потребен, но ако ви е полесно – матете со него.

Додадете брашно, прашок за печиво, какао и џем, па повторно се’ изматете, на крај додадете суво грозје и ореви, па промешајте.

Калапот (јас печев во огноотпорен) доволно е само со четка да се намасти со малку масло, да се излее смесата и да се стави на печење. Ако печете во лимена тепсија, тогаш намастете ја и набрашнете ја.

Кога ќе ставите колачот да се пече, намалете на 200-180 степени, зависи од рерната. Додека колачот се пече на умерен оган, ставете го чоколадото, шеќерот и маслото на тивок оган да се растопат. Смесата треба да е ретка (ако е густа како јогурт, слободно додадете уште малку јогурт).

Печениот колач (околу 25-30 минути) исечете го на коцки и прелијте го со чоколадото.

Ако не сте сигурни дека е печен, боцнете во средината до крај со чепкалка, па ако излезе сува – готов е.

Исклучете ја рерната и оставете го така уште 5-10 минути. Извадете, почекајте да излади (ако сте трпеливи), па можете да го јадете!

Loading...