“Банана шнити” – Сочни, кремасти и потполно неодоливи, а згора на тоа и едноставни, со мерки на лажица

Рецепт и видео прилог на Кујна Саби – Банана шнити.

Напомена: На почетокот од видеото погрешно кажав пудинг од ванила, а треба пудинг од банана. Кората се пече во плех со димензии 38х27 см или приближна големина, на 200 степени – 10-тина минути. Може да се филува слободно на чинија за послужување без калап, нема да ви се растече, филот е цврст.

Потребни состојки:

Loading...

4 јајца
5 лажици шеќер (100 г шеќер)
4 лажици мелени ореви
1 лажица какао
3 лажици брашно
1 лажичка прашок за печиво

за фил:

1 литар млеко
3 пудинг од банана
4 лажици густин
1 лажица екстракт од банана
8 лажици шеќер (150 г шеќер)
250 г путер
100 г чоколадо
4 банани

за глазура:

70 г чоколадо
35 г путер

Постапка:

Најпрво се приготвува пудингот зошто треба да се лади. Од литар одземете околу 200 мл за да го растворите пудингот и густинот, а остатокот ставете го на оган заедно со шеќерот. Кога ќе зоврие млекото намалете ја температурата и постепено со посотјано мешање додадете го разматениот пудинг и варете додека да згусне.

Потоа покријте го со проѕирна фолија и оставете го целосно да излади. Потоа пенасто изматете го путерот и постепено додадете го изладениот пудинг додека убаво да се соедини. Во кремот додадете екстракт од банана и поделете го на два дела. Во едниот дел додадете растоепно чоколадо и соединете го.

За кора: Одвојте ги белките и пенасто изматете ги со половина шеќер, а жолчките исто така посебно изматете ги со другата половина од шеќерот. Снегот од белки додадете го во изматените жолчки, па во смесата додадете ги и останатите состојки.

Промешајте со лажица или шпатула додека да добиете мазна кремаста структура. Смесата излејте ја во плех 38х27 см обложен со хартија и печете во загреана рерна на 200 степени околу 10-тина минути. Печената кора оставете ја да излади, а потоа пресечете ја на две долги кори.

Редење: кора – тенок слој чоколаден фил, наредете 4 банани и врз нив остатокот од чоколадниот фил – кора – жолт фил – чоколадна глазура. За чоколадна глазура: на тивок оган растопете го чоколадото со малку путер. Деталите од постапката можете да ги погледнете во видеото:

Loading...