Брза пита со месо без кори, идеална за појадок, ручек или вечера, брза и едноставна подготовка

Рецепт и видео прилог на CooKing: Пита со месо без кори

Пита со месо, без кори е идеална за појадок, вечера, како предјадење, за ужина. Се приготвува многу едноставно и брзо. Одлично одговара со салата од домати или со шолја јогурт.

Потребни состојки:

Loading...

500 г мелено месо
60 г кромид
сол, црн пипер, масло
4 јајца
10 лажици брашно
1 лажичка прашок за печиво
2 лажички пармезан
180 мл јогурт
1 лажица масло
плех 28х17 см

Постапка:

На малку загреано масло пропржете ситно сечкан кромид . Посолете го и динстајте го додека да омекне. Потоа додадете 500 г мелено месо, посолете го и запиперете го по вкус.

Измешајте го месото со кромидот и пржете го додека да ја смени бојата и да испарат соковите. Во посебен сад изматете 4 јајца со маталка, посолете ги по вкус. Додадете 180 мл јогурт и соединете.

Додадете 10 лажици брашно, една лажичка прашок за печиво и 2 лажички рендан пармезан. Изматете со маталка па додадете една лажица масло. Во смесата од јајца додадете го прженото месо и промешајте.

Добиената смеса излејте ја во огноотпорен сад со димензии 28х17 см и ставете да се пече на 200 степени додека убаво да зарумени, околу половина час. Печената кора покријте ја со фолија и оставете малку да подизлати, па сечете ја на коцки. Деталите можете да ги погледнете во видеото:

Loading...